ఫ్రెంచ్ ఓపెన్ లో భారత్ జోడీల శుభారంభం

Posted: 05/27/2015 08:47 PM IST

Bopanna mergea enter second round of french open

ఫ్రెంచ్ ఓపెన్ గ్రాండ్స్లామ్లో భారత ఆటగాళ్లు శుభారంభం చేశారు. యువ ఆటగాడు రోహన్ బోపన్న జోడీ ముందంజ వేసింది. పురుషుల డబుల్స్లో బోపన్న-ఫ్లోరిన్ మెర్గియా (రుమేనియా) రెండో రౌండ్లో ప్రవేశించింది. బుధవారం జరిగిన తొలి రౌండ్లో బోపన్న-ఫ్లోరిన్ 5-7, 6-3, 6-4 స్కోరుతో సెర్బియా ద్వయం ఫిలిప్ క్రజినోవిచ్-విక్టర్ ట్రోకీపై విజయం సాధించారు. రెండో రౌండ్లో బోపన్న జోడీ అమెరికా జంట ఆస్టిన్ క్రజిసెక్-డొనాల్డ్ యంగ్తో తలపడనుంది.

మహిళల డబుల్స్లో సానియా మీర్జా, పురుషుల డబుల్స్లో లియాండర్ పేస్, రోహన్ బోపన్న జోడీలు ముందంజ వేశాయి. ఇటు మహిళల డబుల్స్ ప్రపంచ నెంబర్ వన్ స్థానంలో నిలిచిన సానియా-మార్టినా హింగిస్ తొలిరౌండ్లో 6-3 6-0 స్కోరుతో జులియా జార్జెస్ (జర్మనీ)- బార్బొరా క్రెజికొవా (చెక్ రిపబ్లిక్)పై అలవోకగా గెలుపొందారు. పురుషుల డబుల్స్లో పేస్-డానియల్ నెస్టర్ (కెనడా) 6-2, 5-7, 7-5 స్కోరుతో జేమ్స్ డక్వర్త్, క్రిస్ గుకీనె (ఆస్ట్రేలియా)పై విజయం సాధించింది.

జి. మనోహర్