ఓం భద్రం కర్ణేభి: శృణుయామ దేవా: !
భద్రం పశ్యేమాక్షభిర్యజత్రా: !
స్థిరైరఙ్గైస్తుష్టువాగం సప్తనూభి: !
వ్యశేమ దేవహితం యదాయు: !
స్వస్తి న ఇన్ద్రో వృద్ధశ్రవా: !
స్వస్తి న: పూషా విశ్వవేదా: !
స్వస్తినస్తార్ష్క్యో అరిష్టనేమి: !
స్వస్తి నో బృహస్పతిర్దధాతు !!
ఓం శాంతి: శాంతి: శాంతి: !!
ఓం నమస్తే గణపతయే !
త్వమేవ ప్రత్యక్షం తత్త్వమసి !
త్వమేవ కేవలం కర్తాఁసి !
త్వమేవ కేవలం ధర్తాఁసి !
త్వమేవ కేవలం హర్తాఁసి !
త్వమేవ సర్వం ఖల్విదం బ్రహ్మాసి !
త్వం సాక్షాదాత్మాఁసి నిత్యమ్ !!
ఋతం వచ్మి !
సత్యం వచ్మి !
అవ త్వం మామ్ !
అవ వక్తారమ్ !
అవ శ్రోతారమ్ !
అవ దాతారమ్ !
అవ ధాతారమ్ !
అవానూచానమవ శిష్యమ్ !
అవ పశ్చాత్తాత్ !
అవ పురస్తాత్ !
అవోత్తరాత్తాత్ !
అవ దక్షిణాత్తాత్ !
అవ చోర్ధ్వాత్తాత్ !
అవాధరాత్తాత్ !
సర్వతో మాం పాహి పాహి సమన్తాత్ !!
త్వం వాఙ్మయస్త్వం చిన్మయ: !
త్వమానన్దమయస్త్వం బ్రహ్మమయ: !
త్వం సచ్చిదానన్దాఁ ద్వితీయోఁసి !
త్వం ప్రత్యక్షం బ్రహ్మాసి !
త్వం జ్ఞానమయో విజ్ఞానమయోఁసి !
సర్వం జగదిదం త్వత్తో జాయతే !
సర్వం జగదిదం త్వత్తస్తిష్ఠతి !
సర్వం జగదిదం త్వయి లయమేష్యతి !
సర్వం జగదిదం త్వయి ప్రత్యేతి !
త్వం భూమిరాపోఁనలోఁనిలో నభ: !
త్వం చత్వారి వాక్ పదాని !!
త్వం గుణత్రయాతీత: !
త్వం అవస్థాత్రయాతీత: !
త్వం దేహత్రయాతీత: !
త్వం కాలత్రయాతీత: !
త్వం మూలాధారస్థితోఁసి నిత్యమ్ !
త్వం శక్తిత్రయాత్మక: !
త్వాం యోగినో ధ్యాయన్తి నిత్యమ్ !
త్వం బ్రహ్మాత్వం విష్ణుస్త్వం
రుద్రస్త్వమిన్ద్రస్త్వమగ్నిస్త్వం
వాయుస్త్వం సూర్యస్త్వం చన్ద్రమాస్త్వం
బ్రహ్మ భూర్భువ: స్వరోమ్ !!
గణాదీం పూర్వముచ్చార్య వర్ణాదీం స్తదనన్తరమ్ !
అనుస్వార: పరతర: !
అర్ధేన్దులసితమ్ !
తారేణ బుద్ధమ్ !
ఏతత్తవ మనుస్వరూపమ్ !
గకార: పూర్వరూపమ్ !
అకారో మధ్యమ రూపమ్ !
అనుస్వారశ్చాన్త్య రూపమ్ !
బిన్దురుత్తర రూపమ్ !
నాద: సన్ధానమ్ !
సగంహితా సన్ధి: !
సైషా గణేశవిద్యా !
గణక ఋషి: !
నిచృద్గాయత్రీ ఛన్ద: !
గణపతిర్దేవతా !
ఓం గం గణపతయే నమ: !!
ఏకదన్తాయ విద్మహే వక్రతుణ్డాయ ధీమహే !
తన్నో దన్తి: ప్రచోదయాత్ !!
ఏకదన్తం చతుర్ హస్తం పాశమఙ్కుశధారిణమ్ !
రదం చ వరదం హస్తైర్బిభ్రాణం మూషకధ్వజమ్ !
రక్తం లమ్బోదరం శూర్పకర్ణకం రక్దవాససమ్ !
రక్త గన్ధానులిప్తాఙ్గం రక్తపుష్పై: సుపూజితమ్ !
భక్తానుకంపినం దేవం జగత్కారణమచ్యుతమ్ !
ఆవిర్భూతం చ సృష్ట్యాదౌ ప్రకృతే: పురుషాత్పరమ్ !
ఏవం ధ్యాయతి యో నిత్యం స యోగీ యోగినాం వర: !!
నమో వ్రాతపతమే !
నమో గణపతయే !
నమ: ప్రమథపతయే !
నమస్తేస్తు లమ్బోదరాయ
ఏకదన్తాయ విఘ్ననాశిసే
శివసుతాయ శ్రీ వరదమూర్తయే నమ: !!
ఏతదథర్వశీర్షం యో ధీతే స బ్రహ్మభూయామ కల్పతే !
స సర్వవిఘ్నైర్న బాధ్యతే !
స సర్వత్ర సుఖమేధతే !
స పంచమహాపాపాత్ ప్రముచ్యతే !
సాయమధీయానో దివసకృతం పాపం నాశయతి !
ప్రాతరధీయానో రాత్రికృతం పాపం నాశయతి !
సాయం ప్రాత: ప్రయుంజానో పాపో పాపో భవతి !
సర్వత్రాధీయానో పవిఘ్నో భవతి !
ధర్మార్థకామమోక్షం చ విన్దతి !
ఇదమథర్వశీర్షమశిష్యాయ న దేయమ్ !
యో యది మోహాద్ దాస్యతి స పాపీయాన్ భవతి !
సహస్రావర్తనాద్యం యం కామమధీతే తం తమసేన సాధయేత్ !
అసేన గణపతిమభిషించతి స వాగ్మీ భవతి !
చతుర్థ్యామనశ్నన్ జపతి స విద్యావాన్ భవతి !
ఇత్యథర్వణవాక్యమ్ !
బ్రహ్మాద్యావరణం విద్యాన్న విభేతి కదాచసేతి !!
యో దూర్వాంకురైర్యజతి స వైశ్రవణోపమో భవతి !
యో లాజైర్యజతి స యశోవాన్ భవతి !
స మేధావాన్ భవతి !
యో మోదకసహస్రేణ యజతి స వాంఛితఫలమవాప్నోతి !
య: సాజ్య సమిద్భిర్యజతి స సర్వం లభతే స సర్వం లభతే !!
అష్టౌ బ్రాహ్మణాన్ సమ్యగ్ గ్రాహయిత్వా సూర్యవర్చస్వీ భవతి !
సూర్యగ్రహే మహానద్యాం ప్రతిమాసన్నిధౌ వా జప్త్యా సిద్ధమన్త్రో భవతి !
మహావిఘ్నాత్ ప్రముచ్యతే !
మహాదోషాత్ ప్రముచ్యతే !
మహాప్రత్యవాయాత్ ప్రముచ్యతే !
స సర్వవిద్భవతి స సర్వవిద్భవతి !
య ఏం వేద !
ఇత్యుపనిషత్
(And get your daily news straight to your inbox)
Mar 20 | ఓం భద్రం కర్ణేభి: శృణుయామ దేవా: ! భద్రం పశ్యేమాక్షభిర్యజత్రా: ! స్థిరైరఙ్గైస్తుష్టువాగం సస్తనూభి: ! వ్యశేమ దేవహితం యదాయు: ! స్వస్తి న ఇన్ద్రో వృద్ధశ్రవా: ! స్వస్తి న పూషా విశ్వవేదా:... Read more
Mar 15 | ఓం అథ పురుషో హ వై నారాయణోఁకామయత ప్రజా: సృజేయేతి ! నారాయణాత్ప్రాణో జాయతే ! మన: సర్వేన్ద్రియాణి చ ! ఖం వాయుర్జ్యోతిరాప: పృథివీ విశ్వస్య ధారిణీ ! నారాయణాద్ బ్రహ్మా జాయతే... Read more
Mar 04 | 1. ఓమిత్యేతదక్షకరమిదం సర్వం తస్యోపవ్యాఖ్యానం భూతం భవిద్భవిష్యదితి సర్వమోంకార ఏవ ! యచ్చాన్యత్ త్రికాలాతీతం తదప్యోంకార ఏవ !! ఈ మొత్తం లోకం ఓంకారమే. గతించినవి, వున్నవి, రాబోయేవి అన్నీ ఓంకారమే. మూడుకాలాలకూ అతీతమైంది... Read more
Mar 04 | అశ్వలాయనుడు బ్రహ్మదేవుని దగ్గరకు వెళ్లి ఈ విధంగా అంటాడు.... 1. అధీహి భగవన్ ! బ్రహ్మవిద్యాం వరిష్ఠాం సదా సద్భి: సేవ్యమానాం నిగూఢామ్ ! యయా చిరాత్ సర్వపాపం వ్యపోహ్య పరాత్పరం పురుషం యాతి... Read more
Mar 03 | ప్రథమ అధ్యాయం - ప్రథమ ఖండం : 1. ఓం!! ఆత్మా వా ఇదమేక ఏవాగ్ర ఆసీన్నాన్యత్ కించన మిషత్ ! స ఈక్షత లోకాన్ను సృజా ఇతి !! విశ్వం పుట్టకముందు ప్రారంభంలో... Read more