ఓం భద్రం కర్ణేభి: శృణుయామ దేవా: !

భద్రం పశ్యేమాక్షభిర్యజత్రా: !

స్థిరైరఙ్గైస్తుష్టువాగం సస్తనూభి: !

వ్యశేమ దేవహితం యదాయు: !

స్వస్తి న ఇన్ద్రో వృద్ధశ్రవా: !

స్వస్తి న పూషా విశ్వవేదా: !

స్వస్తినస్తార్ష్క్యో అరిష్టనేమి: !

స్వస్తి నో బృహస్పతిర్దధాతు !!

ఓం శాంతి: శాంతి: శాంతి: !!!

ఓం అథ సూర్యాథర్వాఙ్గిరసం వ్యాఖ్యాస్యామ: !

బ్రహ్మా ఋషి: !

గాయత్రీ ఛన్ద: !

ఆదిత్యో దేవతా !

హంస: సోఁహమగ్ని నారాయణయుక్తం బీజమ్ !

హృల్లేఖా శక్తి: !

వియదాదిసర్గసంయుక్తం కీలకమ్ !

చతుర్విధపురుషార్థ సిద్ధ్యర్థే వినియోగ: !

షట్ స్వరారూఢేన బీజేన షడఙ్గం రక్తామ్బుజ సంస్థితం 

సప్తాశ్వరథినం హిరణ్యవర్ణం చతుర్భుజం పద్మద్వయాఁభయవరదహస్తం 

కాలచక్రప్రణేతారం శ్రీసూర్యనారాయణ య ఏవం వేద స వై బ్రాహ్మణ: !!

ఓ భూర్భువ సువ: !

తత్సవితుర్వరేణ్యం భర్గో దేవస్య ధీమహి !

ధి యో యో న: ప్రచోదయాత్ !

సూర్య ఆత్మా జగతస్తస్థుషశ్చ !

సూర్యాద్వై ఖల్విమాని భూతాని జాయస్తే !

సూర్యాద్యజ్ఞ: పర్జన్యోఁన్నమాత్మా !

నమస్తే ఆదిత్య !

త్వమేవ ప్రత్యక్షం కర్మ కర్తాసి !

త్వమేవ ప్రత్యక్షం బ్రహ్మాసి !

త్వమేవ ప్రత్యక్షం విష్ణురసి !

త్వమేవ ప్రత్యక్షం రుద్రోఁసి !

త్వమేవ ప్రత్యక్షం ఋగసి !

త్వమేవ ప్రత్యక్షం యజురసి !

త్వమేవ ప్రత్యక్షం సామాసి !

త్వమేవ ప్రత్యక్షమథర్వాసి !

త్వమేవ సర్వం ఛన్దోఁసి !

ఆదిత్యాద్వాయుర్జాయతే !

ఆదిత్యాద్భూమిర్జాయతే !

ఆదిత్యాదాపోజాయస్తే !

ఆదిత్యాజ్జ్యోతిర్జాయతే !

ఆదిత్యాద్ వ్యోమ దిశో జాయస్తే !

ఆదిత్యాద్ దేవా జాయస్తే !

ఆదిత్యాద్ వేదా జాయస్తే !

ఆదిత్యో వా ఏష ఏతన్మణ్డలం తపతి !

అసావాదిత్యో బ్రహ్మా !

ఆదిత్యోఁన్త:కరణ - మనోబుద్ధి - చిత్తాహంకారా: !

ఆదిత్యో వై వ్యానస్సమానోదానోఁపాన: ప్రాణ: !

ఆదిత్యో వై శ్రోత్ర - త్వక్ చశౄరసనధ్రాణా: !

ఆదిత్యో వై వాక్పాణిపాదపాయుపస్థా: !

ఆదిత్యోవై శబ్దస్పర్శరూపరసగన్ధా: !

ఆదిత్యో వై వచనాదానాగమన విసర్గానన్దా: !

ఆనన్దమయో విజ్ఞానమయో విజ్ఞానఘన ఆదిత్య: !

నమో మిత్రాయ భానవే మృత్యోర్మా పాహి !

భ్రాజిష్ణవే విశ్వహేతవే నమ: !

సూర్యాద్భవన్తి భూతాని సూర్యేణ పాలితాని తు !

సూర్యే లయం ప్రాప్నువన్తి య: సూర్య: సోఁహమేవ చ !

చక్షుర్నో దేవ: సవితా చక్షుర్న ఉత పర్వత: !

చక్షు-ర్ధాతా దధాతు న: !

ఆదిత్యాయ విద్మహే సహస్రకిరణాయ ధీమహి !

తన్న: సూర్య: ప్రచోదయాత్ !

సవితా పశ్చాత్తాత్ సవితా పురస్తాత్ సవితోత్తరాత్తాత్ సవితా ధరాత్తాత్ !

సవితా న: సువతు సర్వతాతిఁ సవితా నో రాసతాం దీర్ఘమాయు: !

ఓమిత్యేకాక్షరం బ్రహ్మా !

ఘృణిరితి ద్వే అక్షరే ! 

సూర్య ఇత్యక్షరద్వయమ్ !

ఆదిత్య ఇతి త్రీణ్యక్షరాణి !

ఏతస్వైవ సూర్యస్యాష్టాక్షరో మను: !

య: సదాహరహర్ జపతి స వై బ్రాహ్మణో భవతి స వై బ్రాహ్మణో భవతి !

సూర్యాభిముఖో జప్త్వా, మహావ్యాధి భయాత్ ప్రముచ్యతే !

అలక్ష్మీర్నశ్యతి !

అభక్ష్య భక్షణాత్ పూతో భవతి !

అగమ్యాగమనాత్ పూతో భవతి !

పతిత సంభాషణాత్ పూతో భవతి !

అసత్ సంభాషనాత్ పూతో భవతి !

మధ్యాహ్నే సూర్యాభిముఖ: పఠేత్ !

సద్యోత్పన్నఞ్చ మహాపాతకాత్ ప్రముచ్యతే !

సైషా సావిత్రీం విద్యాం న కించిదపి న కస్మైచిత్ప్రశంసయేత్ !

య ఏతాం మహాభాగ: ప్రాత: పఠతి, స భాగ్యవాన్ జాయతే పశూన్విన్దతి !

వేదార్థం లభతే !

త్రికాలమేతజ్జప్త్వా, క్రతుశతఫలమవాప్నోతి !

హస్తాదిత్యే జపతి, 

స మహామృత్యుం తరతి స మహామృత్యుం తరతి య ఏవం వేద !

ఓం శాంతి: శాంతి: శాంతి:!!