ఎన్టీఆర్ బయోపిక్.. మరింత ఆలస్యం!

Posted: 11/29/2017 05:22 PM IST

ఒక్క వ్యక్తి.. మొత్తం నాలుగు బయోపిక్ లు. ఆర్జీవీ, తేజ, కేతిరెడ్డి జగదీశ్వర్ రెడ్డి, తుమ్మలపల్లి రామ సత్యనారాయణ. ఎవరికి వారు తమ తమ వర్షన్ లలో మహానటుడు ఎన్టీఆర్ లైఫ్ ను తెరకెక్కిస్తామని చెప్పుకున్నారు. వీటిలో అసలు విషయాల కన్నా వివాదాలే ఇప్పటిదాకా ఎక్కువ వినిపించాయి.

అయితే తన తండ్రి చిత్రాన్ని ఎలాంటి తప్పిదాలు లేకుండా తెరకెక్కించే పనిలో పడ్డ బాలయ్య.. కాంట్రవర్సీల జోలికి పోకుండా సినిమాను తెరకెక్కించాలంటూ దర్శకుడు తేజకు ఇదివరకే సూచించాడు. అంతేకాదు సినిమాను తీయటంలో తన జోక్యం కూడా లేకుండా దర్శకుడికి ఫ్రీ హ్యాండ్ ఇచ్చేందుకు కూడా సిద్ధమైపోయాడు. అయితే సినిమా ప్రారంభ విషయంలోనే ఇప్పుడు సమాలోచనలు చేస్తున్నట్లు తెలుస్తోంది.

ముందుగా ఈ చిత్రాన్ని ఆ దివంగత నటుడి వర్థంతి జనవరి 18వ తేదీ మొదలుపెట్టాలని భావించారు. కానీ, వెంకీ సినిమా వచ్చే నెలలో సెట్స్ మీదకు వెళ్లే అవకాశం ఉండటంతో ఆ ఆలోచనను మార్చే పనిలో పడ్డాడు బాలయ్య. ఆ చిత్రం షూటింగ్ పూర్తయ్యేక ఎన్టీఆర్ బయోపిక్ మొదలుపెట్టాలని తేజకు సూచించాడంట. ఇందుకోసం ఎన్టీఆర్ జయంతి మే 28వ తేదీని ఎంపిక చేసినట్లు సమాచారం.

ఆ రోజున గ్రాండ్ గా ప్రెస్ మీట్ ఏర్పాటు చిత్రాన్ని ఫ్రారంభించేందుకు ఆలోచన చేస్తున్నారు. ఆ లెక్కన్న చిత్రం చాలా ఆలస్యం అయ్యే అవకాశమే ఎక్కువగా కనిపిస్తోంది.