యువనటికి వాట్సాప్ లో హీరో టార్చర్

Posted: 11/22/2016 12:43 PM IST

టాలీవుడ్ లో యంగ్ జనరేషన్ అంతా ఒకే తాటిపై ఉండటం, ఫ్రెండ్లీ వాతావరణంతో అవసరమైనప్పుడు కార్యక్రమాలు నిర్వహించటం ఈ మధ్య తరచూ కనిపిస్తున్నదే. అల్లు అర్జున్, రానా లాంటి వాళ్లైతే ఒక అడుగు ముందుకేసి అప్పుడప్పుడు ఒకేచోట అందరినీ చేర్చి పార్టీలు చేసుకుంటుంటారు. వారందికి ఓ వాట్సాఫ్ గ్రూప్ కూడా ఉంది. అయితే ఆ బ్యాచ్ లోంచి ఓ యంగ్ హీరోయిన్ ఈ మధ్యే ఎగ్జిట్ అయ్యిందన్న వార్త తాజాగా బయటికి పొక్కింది.

చిన్నారి పెళ్లికూతురు సీరియల్ లో నటించి, ఆపై హీరోయిన్ గా అందరి మనసులను దోచుకుంది అవికా గోర్. ఇప్పటి వరకు 5 టాలీవుడ్ సినిమాల్లో నటించి, తెలుగు ప్రేక్షకులకు దగ్గరైంది. కానీ, టాలీవుడ్ కు చెందిన ఓ యంగ్ హీరో అవికాను వేధిస్తున్నాడనే వార్త ఇప్పుడు సంచలనంగా మారింది. ఆశ్లీల పదాలు, అసభ్య సందేశాలను వాట్సాప్ ద్వారా పంపుతున్నాడట. అయితే, ఈ మెసేజ్ లు ఎవరు పంపుతున్నారో మొదట ఆమెకు అర్థం కాలేదట. ఇదంతా ఎవరో ఆకతాయి చేస్తున్న పని అనుకుంది. కానీ, ఓ యంగ్ హీరో ఈ మెసేజ్ లు పంపుతున్నాడని తెలుసుకుని షాక్ కు గురైందట.

వెంటనే ఆ సందేశాలను స్క్రీన్ షాట్ తీసి గ్రూప్ లో పోస్ట్ చేయగా, వెంటనే అవికాను గ్రూప్ నుంచి తొలగించేశారంట. ఈ విషయాన్ని తనకు మంచి మిత్రులైన సాయి ధరమ్ తేజ్, రాజ్ తరుణ్, నిఖిల్, రకుల్ ప్రీత్, హెబ్బా పటేల్ లతో చెప్పుకుని అవికా గోర్ చాలా బాధపడిందట. తెలుగులో నటించాలంటేనే విరక్తి కలుగుతోందని వారితో ఆవేదన వ్యక్తం చేసిందట అవికా. ఇదిలా ఉంటే ఆ మెసేజ్ లు పంపిన యంగ్ హీరో ఎవరన్నది ప్రస్తుతం సస్పెన్స్ గా వుంది. మరోవైపు ఆ గ్రూప్ లోని సభ్యులు కొందరు ఆవికాగోర్ కి మధ్దతు చెబుతుండగా, స్వాతి లాంటి హీరోయిన్లు ఆ హీరోతో నటించిన చనువుతో అతనికే సపోర్ట్ గా నిలుస్తున్నారంట. ఇంతకీ ఆ హీరో ఎవరనే డిస్కషన్ ఇప్పుడు ఫిల్మ్ నగర్ లో హాట్ టాపిక్ గా మారిపోయింది.