కత్తిలాంటి 'మెగా' లుక్ కోసం...

Posted: 05/31/2016 01:04 PM IST

టాలీవుడ్‌ లో మరోసారి తన ఇమేజ్‌ ని చూపించాలనుకుంటున్నాడు మెగాస్టార్‌ చిరంజీవి. దాదాపు పది ఏళ్ల తర్వాత 150వ సినిమాతో సెకండ్‌ ఇన్నింగ్స్‌ స్టార్ట్‌ చేస్తున్న చిరంజీవి ఈ మధ్యన తరచూ ముంబై వెళ్లి వస్తున్నారు. ఎందుకా అని ఆరాతీస్తే, ఫిలింనగర్‌ లో ఆసక్తికరమైన హాట్‌ న్యూస్‌ వినపడుతోంది.

వివి వినాయక్‌ డైరక్షన్‌ లో చిరంజీవి కత్తిలాంటోడు సినిమా చేస్తున్న విషయం తెలిసిందే. వచ్చేనెల 6 నుంచి ఈ సినిమా రెగ్యులర్‌ షూటింగ్‌ ప్రారంభం కానుంది. ఈలోపు మెగాస్టార్‌ ముంబై వెళ్లి వస్తున్నట్లు తెలుస్తోంది. తన 150వ సినిమాలో బరువుతగ్గాల్సి ఉందట. ఇందులో డబుల్‌ యాక్షన్ లో చిరంజీవి కనిపించనున్నాడు కాబట్టి పాత్రకు తగ్గట్టు మారాల్సి ఉంది. అందువల్ల 10కేజీలకు పైగా బరువు తగ్గితే బాగుంటుందని దర్శకుడు వినాయక్ సూచించాడట.

అయితే మాములు పద్ధతిలో బరువు తగ్గితే మొహంలో మార్పులు వచ్చేఅవకాశం ఉండటంతో ప్రత్యేక పద్ధతుల్లో బరువు తగ్గాల్సి ఉంది. ఇందుకోసం ముంబైలో స్పెషల్‌ ట్రైనర్ల పర్యవేక్షణలో చిరంజీవి బరువు తగ్గుతున్నారని ఫిలింనగర్‌ లో చెప్పుకుంటున్నారు. అంతే కాకుండా, తనహెయిర్‌ స్టైల్‌ , బాడీ ఫిట్‌ నెస్‌ తదితర అంశాలపై ఫిట్‌ నెస్‌ నిపుణుల సలహా తీసుకుంటున్నాడట. రీ ఎంట్రీ కేక పుట్టించడమే కాదు 'కత్తిలాంటోడు' సినిమా ప్రేక్షకులకు సూపర్ అనిపించేలా ఉండాలన్న ఉద్దేశ్యంతో చిరంజీవి అన్ని జాగ్రత్తలు తీసుకుంటున్నాడని సన్నిహితులు చెబుతున్నారు.

ఏది ఏమైనా,  ఈసారి మాత్రం చిరంజీవి రీ ఎంట్రీ అదిరిపోతుందని, అందులోనూ 'ఠాగూర్' లాంటి హిట్ ఇచ్చిన దర్శకుడు , చిరంజీవిని ఎలా చూపిస్తే అబిమానులకు కిక్ వస్తుందో తెలిసిన డైరెక్టర్ కాబట్టి సినిమా ఖచ్చితంగా రికార్డ్ క్రియేట్ చేస్తుందని చెప్తున్నారు మెగా అబిమానులు.