బాలయ్య కథతో 100వ సినిమా?

Posted: 01/21/2016 03:09 PM IST

నందమూరి బాలకృష్ణ హీరోగా నటించిన ‘డిక్టేటర్’ చిత్రం ఇటీవలే ప్రపంచ వ్యాప్తంగా విడుదలై, మంచి టాక్ ను సొంతం చేసుకుంది. ‘డిక్టేటర్’తో 99 సినిమాలను పూర్తి చేసుకున్న బాలయ్య తన 100వ సినిమా భారీగా సన్నాహాలు జరుగుతున్నాయి. బాలయ్య 100వ సినిమా చేయడానికి ఇప్పటికే ఇద్దరు దర్శకులు ఫైనలైజ్ అయ్యారు. ఒకరు బోయపాటి శ్రీను, మరొకరు సింగీతం శ్రీనివాస రావు.

ఇదిలా వుంటే బాలయ్య తన 100వ సినిమా కోసం తానే స్వయంగా కథను అందించనున్నాడని తెలిసింది. ఈ సినిమా కోసం బాలయ్య చెప్పిన ఓ స్టోరీ లైన్ ను దర్శకుడు సింగీతం శ్రీనివాస్ రావు డెవలప్ చేసే, పక్కా స్ర్కిప్ట్ తో సిద్ధంగా వున్నాడని తెలిసింది. ఈ సినిమాలో కాస్త యాక్షన్ పార్ట్ తక్కువే అయినప్పటికీ, ‘సింహా’, ‘లెజెండ్’ తరహాలో బాలయ్య పాత్ర చాలా పవర్ ఫుల్ గా వుండనుందని సమాచారం.

అయితే ఈ విషయంపై ఇంకా ఎలాంటి అధికారిక ప్రకటన వెలువడలేదు. మరి బాలయ్య 100వ సినిమాకు దర్శకత్వం చేసే అవకాశం ఏ దర్శకుడికి దక్కనుందో, ఆ సినిమా ఎలా వుండబోతుందో భవిష్యత్తులోనే తెలియనుంది. ప్రస్తుతం బాలయ్య ‘డిక్టేటర్’ చిత్ర సక్సెస్ ను ఎంజాయ్ చేస్తూనే, తన తదుపరి చిత్రం కోసం సిద్ధమవుతున్నాడు.