వంశీ ఛాన్స్ కొట్టేసిన రాజ్ తరుణ్

Posted: 08/17/2015 04:17 PM IST

‘ఉయ్యాల జంపాలా’ చిత్రంతో తెలుగు సినీ ఇండస్ట్రీలోకి హీరోగా ఎంట్రీ ఇచ్చిన నటుడు రాజ్ తరుణ్... ప్రస్తుతం మరో సక్సెస్ ను తన ఖాతాలో వేసుకున్నాడు. తాజాగా రాజ్ తరుణ్ నటించిన ‘సినిమా చూపిస్త మావ’ చిత్రం కూడా విడుదలై మంచి టాక్ ను సొంతం చేసుకుంది.

కామెడీ, లవ్ ఎంటర్ టైనర్ గా రూపొందిన ఈ చిత్రం మంచి టాక్ తో దూసుకుపోతుంది. అయితే ఈ సినిమా తర్వాత రాజ్ తరుణ్ ఓ పెద్ద దర్శకుడి సినిమాలో హీరోగా నటించే అవకాశం దక్కించుకున్నాడు. ప్రముఖ దర్శకుడు వంశీ దర్శకత్వంలో తాజాగా ఓ చిత్రం తెరకెక్కనుంది. ఇందులో రాజ్ తరుణ్ ను హీరోగా ఎంపిక చేసుకున్నట్లుగా తెలిసింది.

ఈ చిత్రాన్ని మధుర శ్రీధర్ నిర్మించనున్నాడు. త్వరలోనే ఈ చిత్రానికి సంబంధించిన అధికారిక ప్రకటన విడుదల కానుంది. రాజ్ తరుణ్ ప్రస్తుతం సుకుమార్ నిర్మిస్తున్న ‘కుమారి 21F’ చిత్రంలో నటిస్తున్నాడు. త్వరలోనే ఈ చిత్రం ప్రేక్షకుల ముందుకు రానుంది.