భటుడిగా సునీల్ సందడి చేస్తాడా?

Posted: 08/11/2015 09:41 AM IST

‘భీమవరం బుల్లోడు’ చిత్రం తర్వాత చాలాకాలం గ్యాప్ తీసుకొని నటుడు సునీల్ మరోసారి వరుస సినిమాలతో బిజీ అవుతున్నాడు. ప్రస్తుతం సునీల్ హీరోగా నిర్మాత దిల్ రాజు నిర్మిస్తున్న చిత్రం కాగా, మరొకటి వంశీకృష్ణ ఆకేళ్ల దర్శకత్వంలో తెరకెక్కుతున్న సినిమా.    

వంశీకృష్ణ ఆకెళ్ల దర్శకత్వంలో తెరకెక్కుతున్న ఈ చిత్రానికి సంబంధించిన ఫస్ట్ లుక్ పోస్టర్లు ఇప్పటికే విడుదలయ్యాయి. ఈ చిత్రాన్ని ప్రముఖ నిర్మాత ఆర్.సుదర్శన్ రెడ్డి నిర్మిస్తున్నారు. ఇందులో సునీల్ సరసన బాలీవుడ్ హాట్ భామ మన్నార్ చోప్రాను హీరోయిన్ గా ఎంపిక చేసారు. ఈ చిత్ర రెగ్యులర్ షూటింగ్ ఈనెల 18నుంచి ప్రారంభం కానుంది. అలాగే ఈ చిత్రానికి ‘భటుడు’ అనే టైటిల్ ను అనుకుంటున్నట్లుగా తెలిసింది.

కామెడీ యాక్షన్ ఎంటర్ టైనర్ గా రూపొందుతున్న ఈ చిత్రాన్ని త్వరలోనే ప్రేక్షకుల ముందుకు తీసుకురావాలని చిత్ర యూనిట్ సన్నాహాలు చేస్తున్నారు. అలాగే ప్రస్తుతం సునీల్ నటిస్తున్న సినిమా షూటింగ్ చివరి దశకు చేరుకుంది. పోస్ట్ ప్రొడక్షన్ కార్యక్రమాలను కూడా మొదలుపెట్టేసారు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.