సచిన్ కూతురికి బాలీవుడ్ పిలుపు!

Posted: 04/24/2015 01:30 PM IST

ఓ అమ్మాయి కాస్త అందంగా కనిపిస్తే చాలు.. ఇండస్ట్రీ మొత్తం జపం చేస్తూ ఆమె కొంగుచాటున చేరిపోతుంది. ఇది ఎప్పటినుంచో చిత్రపరిశ్రమలో కొనసాగుతూ వస్తున్న ట్రెండ్! ప్రస్తుతం కాలంలో అయితే తారలకు నటనాప్రతిభ కంటే గ్లామర్ పరంగానే అవకాశాలు వచ్చిపడుతున్నాయి. ఇప్పుడు ఇదంతా ఎందుకు చెప్పుకోవాల్సి వచ్చిందంటున్నారా..? ఆ విషయానికే వస్తున్నాం...

క్రికెట్ లెజెండ్ సచిన్ టెండూల్కర్ కూతురు సారా టెండూల్కర్ కోసం బాలీవుడ్‌ బారులు తీరినట్లు సమాచారం! ఈమెకు తమ సినిమాల్లో నటించే ఛాన్స్ ఇచ్చేందుకు చాలామంది దర్శకనిర్మాతలు క్యూ కడుతున్నారని వార్తలొస్తున్నాయి. ఈ క్రమంలోనే ఈ అమ్మడు త్వరలోనే బాలీవుడ్ హ్యాండ్ సమ్ హీరో షాహిద్‌కపూర్ సరసన నటించనుందని టాక్ వినిపిస్తోంది. ఇటీవలే సారా తన తండ్రి సచిన్ తోనూ, తల్లి అంజలితోనూ కలిసి ఈవెంట్లకు, క్రికెట్ మ్యాచ్‌లకు హాజరవుతుంది. సచిన్ లాంటి దిగ్గజ కూతురు కాబట్టి.. ఈమె ఎక్కడకి వెళితే అక్కడ కెమెరాలు వాలిపోతున్నాయి. ఈ నేపథ్యంలోనే దర్శకనిర్మాతల కన్ను ఈమెపై పడింది. సినీతారలకు వుండాల్సిన గ్లామర్ సారాలోనూ వుండటంతో దర్శకనిర్మాతలు.. ఈమెకు తమ సినిమాల్లో నటించే ఛాన్స్ ఇచ్చేందుకు ఉవ్విళ్లూరుతున్నారట!

మరి సచిన్ తన కూతురిని ఫిల్మ్ ఇండస్ర్టీకి కూతురు పరిచయడం చేయిస్తాడా..? లేదా..? అన్న సందేహాలు వెంటాడుతున్నాయి. కానీ.. సచిన్ తన కూతుర్ని తల్లిలాగే డాక్టర్ చేయాలని లేదా బిజినెస్ వ్యవహారాలను అప్పగించాలని సచిన్ భావిస్తున్నట్లుగా సన్నిహితవర్గాలు పేర్కొంటున్నాయి. మరోవైపు సచిన్ తన వారసుడిగా కొడుకుని క్రికెట్‌లోకి దించేశాడు. మరి కూతురు సారా.. తల్లి మాదిరిగానే డాక్టర్ అవుతుందా.. లేక నటి కావాలనుకుంటుందా..? ఈ రూమర్లకు ఫుల్‌స్టాప్ పడాలంటే కొన్నిరోజులు ఆగక తప్పదు మరి!

AS