అమ్మో సమంతా.. యంగ్ హీరోతో కమింట్ మెంటా?!

Posted: 04/21/2015 01:12 PM IST

Samantha sundeep kishan vv vinayak chota k naidu tollywood gossips

దక్షిణాది సినీఇండస్ట్రీలో స్టార్ హీరోయిన్ హోదాలో కొనసాగుతున్న సమంతా.. ఓ యంగ్ హీరోతో కమిట్ అయినట్లు ప్రచారం కొనసాగుతోంది. గాసిప్స్ కి కేరాఫ్ అడ్రస్ గా మారిన ఈ అమ్మడు.. ఈసారి యంగ్ హీరోతో ఇలా కమిట్ అవడం కాస్త సంచలనంగానే మారింది. యంగ్ హీరోలతో సినిమా చేస్తే తన స్టార్ ఇమేజ్ ఎక్కడ దెబ్బ తింటుందోనన్న ఉద్దేశంతో ఈ అమ్మడు వాళ్లతో నటించనని గతంలో ఖరాఖండీగా వెల్లడించింది. అటువంటి అమ్మడు.. ఇప్పుడు యంగ్ హీరో సరసన నటించేందుకు గ్రీన్ సిగ్నల్ ఇవ్వడమేంటని చర్చించుకుంటున్నారు.

వివరాల్లోకి వెళ్తే.. ఇండస్ట్రీకి ఎంట్రీ ఇచ్చి ఐదేళ్లు పూర్తి చేసుకున్న సందర్భంగా సందీప్ కిషన్ ఓ భారీ చిత్రాన్ని ప్లాన్ చేసుకుంటున్నాడని సమాచారం! సందీప్ మేనమామ ప్రముఖ ఛాయాగ్రాహకుడు చోటా కె.నాయుడు ఇందుకు సంబంధించి ప్లాన్ చేస్తున్నాడని చెబుతున్నారు. ఈ సినిమాని కమర్షియల్ డైరెక్టర్ వివి వినాయక్ దర్శకత్వం వహించే అవకాశం వుందని ఇండస్ట్రీవర్గాల్లో టాక్! ఇక మూవీ భారీగా ప్లాన్ చేస్తున్నారు కాబట్టి.. ఇందులో స్టార్ హీరోయిన్ వుంటే బాగుంటుందన్న ఉద్దేశంతో మూవీ యూనిట్ సమంతాను సంప్రదించారట! భారీగా రెమ్యూనరేషన్ ఇచ్చేందుకు దర్శకనిర్మాతలు ఓకే చెప్పిన నేపథ్యంలో ఈ సినిమాలో నటించేందుకు అమ్మడు పచ్చజెండా ఊపిందని టాక్! మరి.. ఈ సినిమా సెట్స్ పైకి ఎప్పుడు వెళ్తుందో వెయిట్ చేయా్ల్సిందే!

ఆమధ్య ప్రముఖ నిర్మాత బెల్లంకొండ సురేష్ భారీ రెమ్యూనరేషన్ ఇచ్చిన నేపథ్యంలో అతని తనయుడు శ్రీనివాస్ (యంగ్ హీరో) సరసన ‘అల్లుడు శీను’లో సమంత నటించిన విషయం విదితమే! అయితే.. ఆ తర్వాత ఈమెకి యంగ్ హీరోల సరసన నటించే మూవీ ఆఫర్లు బోలెడన్ని వచ్చాయి. అలా వచ్చిన అవకాశాలు ఒప్పుకుంటూపోతే తన కెరీర్ డీలా పడిపోయే అవకాశముందని అప్పటినుంచి చిన్నసినిమాలని తిరస్కరిస్తూ వస్తోంది. భారీగా రెమ్యూనరేషన్ ఇచ్చేందుకు నిర్మాతలు సిద్ధంగా వున్నప్పటికీ ఈ అమ్మడు అప్పట్లో అంగీకరించలేదు. కానీ.. ఇప్పుడు మాత్రం సందీప్ సరసన నటించేందుకు గ్రీన్ సిగ్నల్ ఇచ్చేసింది. యంగ్ హీరోల్లో ఇతనికి మంచి ఇమేజ్ వుండటంతో అతనితో కలిసి నటించేందుకు సమంత ఓకే చెప్పిందని అంటున్నారు.