సైజ్ జీరోలో ఆర్యతో సోనాల్ రొమాన్స్

Posted: 04/03/2015 05:07 PM IST

దర్శకేంద్రుడు కె. రాఘవేంద్రరావు తనయుడు ప్రకాష్ కోవెలమూడి దర్శకత్వంలో అనుష్క, ఆర్య ప్రధాన పాత్రలో రూపొందుతున్న తాజా చిత్రం ‘సైజ్ జీరో’. ఈ మూవీ షూటింగ్ ఇటీవలే పూజాకార్యక్రమాలతో లాంఛనంగా జరిగాయి. తెలుగు, తమిళ భాషలలో ఏకకాలంలో రూపొందుతున్న ఈ చిత్రాన్ని పివిపి సినిమాస్ పతాకంపై పొట్లూరి.వి.ప్రసాద్ భారీ బడ్జెట్ తో నిర్మిస్తున్నారు.

ఈ చిత్రంలోనే శృతి హాసన్ గెస్ట్ రోల్ పోషిస్తున్న విషయం తెలిసిందే. అయితే ఇందులో సెకండ్ హీరోయిన్ ఇషా గుప్తాను ఎంపిక చేసారట. కానీ ఇషా భారీ రెమ్యునరేషన్ డిమాండ్ చేయడంతో ఇషాను వద్దనుకున్నారట చిత్ర యూనిట్. ఆ తర్వాత ఇదే పాత్రకు ‘లెజెండ్’ భామ సోనాల్ చౌహన్ ను సంప్రదించగా.. వెంటనే అంగీకరించేసిందట. అసలే తెలుగులో సరిగ్గా అవకాశాలు రావట్లేదని భావిస్తున్న ఈ అమ్మడికి... ఈ ‘సైజ్ జీరో’ సినిమాతో ఒకేసారి తెలుగు, తమిళ భారీ చిత్రంలో ఆఫర్ వచ్చినట్లుగా భావించి.. వెంటనే ఓకే చెప్పేసిందట.