మళ్లీ అవే చేస్తానంటున్న శ్రద్ధాకపూర్..

Posted: 02/14/2015 11:24 AM IST

Shraddha kapoor rock on sequel movie offer bollywood gossips

‘ఆషికీ 2’ చిత్రం ద్వారా నటిగా మాంచి గుర్తింపు పొందిన శ్రద్ధాకపూర్.. ఆ మూవీ తర్వాత తన వేగాన్ని మరింతగా పెంచింది. వరుసగా వస్తున్న ఆఫర్లతోపాటు స్పెషల్ సాంగుల్లోనూ తళుక్కుమంటూ మెరుస్తోంది. మొదట్లో అంతగా ఎక్స్ పోజింగ్ ఇవ్వని ఈ అమ్మడు.. ఇప్పుడు మాత్రం తన భారీ అందాలను ఆరబోసేస్తోంది. లిప్ లాక్, సెక్సీ సీన్స్ తోపాటు పొట్టిపొట్టి డ్రెస్సులు ధరిస్తూ యువకుల్ని రక్తి కట్టించేస్తోంది ఈ అమ్మడు! తక్కువ కాలంలోనే మంచి ఇమేజ్ క్రియేట్ చేసుకుని భారీ ఫ్యాన్ ఫాలోయింగ్ సాధించింది! అందుకే.. ఆఫర్లను వరుసగా పట్టేస్తోంది. అయితే.. ఈమె నటిస్తున్న చిత్రాలన్నింటిలో ఓ విషయం కామన్ గా వుంది! అదే ‘సీక్వెల్’!

ఎప్పుడో వచ్చిన ‘ఆషికీ’ మూవీకి సీక్వెల్ అయిన ‘ఆషికీ 2’లో ఈమె నటించిన విషయం తెలిసిందే! ఆ తర్వాత ‘ఏక్ విలన్’ చిత్రంతో ప్రేక్షకులను అలరించింది. అనంతరం ఆమధ్య ప్రభుదేవా నటించిన ‘ఏబీసీడీ’ చిత్రానికి ఇప్పుడు సీక్వెల్ వస్తోంది. ఆ మూవీలోనూ ఈ అమ్మడు వరుణ్ ధావణ్ తో కలిసి ప్రధాన పాత్రలో నటిస్తోంది. ఇప్పుడు తాజాగా మరో సీక్వెల్ మూవీలో నటించే ఆఫర్ దక్కించుకుందని బాలీవుడ్ సమాచారం! ఆరేళ్ల కిందట విడుదలైన ‘రాక్ ఆన్’ చిత్రానికి ‘రాక్ ఆన్ 2’ అనే మూవీ తెరకెక్కనుంది. ఇందులో మొదటి భాగంలో ప్రధాన పాత్రల్లో నటించిన ఫర్హాన్ అఖ్తర్, అర్జున్ రాంపాల్ లతోపాటు ఈ సెక్సీ నటి కూడా నటించనుంది.

ఇప్పటివరకు శ్రద్ధ నటించిన సినిమాలన్ని సీక్వెలేనన్నమాట! చూస్తుంటే.. భవిష్యత్తులో రాబోయే మరిన్ని సీక్వెల్ మూవీలన్నింటిలోనూ దాదాపు ఈ భామే కనిపిస్తుందేమోనని అంతా చెప్పుకుంటున్నారు. మొత్తానికి ఈ అమ్మడు ఈ సీక్వెల్ మూవీల్లో నటించి, బాగానే పాపులారిటీ సంపాదించుకుంటోందన్నమాట! అన్నట్లు.. ఈ మూవీలో ఈ భామ ఓ పాట కూడా పాడనుందని బాలీవుడ్ వర్గాలు తెలుపుతున్నాయి.