ఆ టైపులో చూసి.., చేసి బోర్ కొట్టేసింది

Posted: 11/18/2014 10:42 AM IST

ప్రస్తుత టాలీవుడ్ హీరోయిన్లలో సీనియర్ మోస్ట్ తార త్రిష.., ఎంతమంది హీరోయిన్లు వచ్చినా అమ్మడికి అవకాశాలకు మాత్రం కొదువ లేదు. పెద్దగా ఎక్స్ పోజింగ్ చేయకపోయినా.., చాలాకాలం నుంచి ప్రేక్షకులు ఒకే అందాలను చూస్తున్నా డైరెక్టర్లు మాత్రం త్రిషను సినిమాల్లో ఇంకా తీసుకుంటున్నారు. వివిధ కారణాలతో ఈ మద్య సినిమాలు కాస్త తగ్గినా..  మళ్ళీ ఫుల్ జోష్ తో పైకి లేచి కొత్త ఆఫర్లు అందుకుంది. అయితే భవిష్యత్తులో ఇలా ఉండకూడదు అని పక్కా ప్లాన్ వేస్తోంది సీనియర్ హీరోయిన్.

ఇకపై ప్రయోగాత్మక సినిమాలు చేయాలని త్రిష డిసైడ్ అయింది. ఈ సినిమాల్లో అయితే ఎక్కువగా కమర్షియల్ ఎలిమెంట్స్ అక్కర్లేదు. అదేవిధంగా స్కిన్ షో కూడా ఎక్కువగా ఉండదు.., దీంతో తనను ప్రేక్షకులకు బోర్ కొట్టకుండా కొత్త ఉత్సాహంతో సినిమాలు చూస్తారని కలలు కంటోంది. ఇలా ఎందుకు చేస్తున్నావు అని సన్నిహితులు అడిగితే.., ఎన్నో కమర్షియల్ హిట్లు, కలెక్షన్ల రికార్డులు చూసి.., చేసి బోర్ కొట్టేసింది. అందుకే ప్రయోగాత్మక సినిమాలపై పడ్డాను అని చెప్తోందట. అయితే అసలు విషయం మాత్రం అమ్మడు సేఫ్ జోన్ గేమ్ ఆడుతుందని స్పష్టం అవుతోంది.

ఎవరైనా ప్రయోగాత్మక కధలతో సిద్ధంగా ఉంటే తాను కూడా సినిమా చేసేందుకు రెడి అని ఈ భామ చెప్తోంది. మరి ఎవరు వస్తారో.., ఏం సినిమా తీస్తారో చూడాలి. ప్రస్తుతం తెలుగులో సత్యదేవ డైరెక్షన్ లో వస్తున్న మూవీలో బాలకృష్ణ సరసన హీరోయిన్ గా నటిస్తోంది. దీంతో పాటు తమిళంలో హీరో అజిత్ తో కలిసి ఓ సినిమా చేస్తోంది.

కార్తిక్