షాకింగ్ : రాణి దావూద్ చెల్లి అట

Posted: 10/18/2014 11:43 AM IST

అండర్ వరల్డ్ మాఫియా ఢాన్ దావూద్ ఇబ్రహీంకు హసీనా పార్కర్ అనే చెల్లి ఉందని.. ఆమె ముంబైని గడగడలాడించిందని తెలుసు. మూడు నెలల క్రితం చనిపోయిన ఈమె జీవితం ఆధారంగా ఓ సినిమా చేయాలని బాలీవుడ్ డైరెక్టర్ అపూర్వ లఖియా ప్లాన్ చేస్తున్నాడు. సినిమా చేసేందుకు హక్కుల కోసం డాన్ చెల్లి ఇంటి చుట్టూ చక్కర్లు కొడుతున్నాడు. ఎలాగైనా హసీనా ఏమిటో అందరికి చూపించాలని కసిగా ఉన్న లఖియా.., ఇందుకోసం ఆమె ఇంట్లోవారిని ఒప్పించే పనిలో ఉన్నట్లు ఈ మద్య ఓ ఇంటర్య్వూలో చెప్పాడు.

ఇక ఈ ప్రాజెక్టు గురించి మరో ఆసక్తికర విషయం తెలుస్తోంది. దావూద్ చెల్లెలి క్యారెక్టర్ నటి రాణి ముఖర్జీ పోషిస్తుందట. బి టౌన్ లో డేరింగ్ హీరోయిన్ గా పేరు తెచ్చుకున్న ఈ అమ్మడు అయితేనే పార్కర్ పాత్రకు న్యాయం చేయగలదు అని డైరెక్టర్ భావిస్తున్నట్లు తెలుస్తోంది. హసీనా పార్కర్ మాటతీరు.. నడవడిక.., విధానం ఇతర ముఖ్య అంశాలను రాణి అయితే పూర్తిగా కవర్ చేయగలదు అని లఖియా భావిస్తున్నాడు. అందువల్లే ఆమెకు ఈ ఆఫర్ చేసినట్లు బాలీవుడ్ వర్గాలు అంటున్నాయి. అయితే ఢాన్ చెల్లి పాత్ర ఆఫర్ పై రాణి మాత్రం ఇంకా స్పందించలేదట. ఈ ఏడాది ‘మర్దాని’ అనే సినిమాలో డేరింగ్ పోలిస్ క్యారెక్టర్ లో నటించి ప్రేక్షకుల మన్ననలు పొందింది ముఖర్జీ.

క్రియేటివ్ కధలు కాకుండా..,ప్రముఖుల జీవితాలను తెరకెక్కించి హిట్ కొట్టడం బాలీవుడ్ కు అలావాటుగా మారింది. ఆకోవలోనే ఈ బయోగ్రపీ మూవీకూడా తెరకెక్కితే బిగ్ హిట్ అవుతుందని బాలీవుడ్ ప్రముఖులు చెప్తున్నారు. దావూద్ ఇబ్రహీం చెల్లిగా... ముంబై లేడీ ఢాన్ గా హసీనా పార్కర్ అందరికి సుపరిచితురాలు. దావూద్ దేశం విడిచివెళ్లాక ఇక్కడి కార్యకలాపాలు ముంబైలో ఆమె చూసుకునేది. బెదిరింపులు, డబ్బులు వసూళ్ళు, దందాలు, సెటిల్ మెంట్లు, చివరకు రాజకీయ పార్టీల మద్య వివాదాలను కూడా పరిష్కరించేదని పేరు ఉంది. నగరంలో బిల్డింగులు కట్టాలంటే హసీనాకు డబ్బు ముట్టచెప్పాల్సిందే. సౌత్ ముంబైలో ఆమె అనుమతి లేకుండా పునాది పడిన భవనం ఒక్కటి కూడా లేదు అని అంతా చెప్తారు.

ముంబైలోని నాగపడలో నివసించిన హసీనా ఇళ్లు స్థానిక పోలిస్ స్టేషన్ ఎదురుగానే ఉండి.. నిత్యం వారి ముందే సెటిల్ మెంట్లు, ఇతర అక్రమ కార్యకలాపాలు జరుగుతున్నా ఎవరూ అడ్డుకున్న దాఖలాలు లేవు. ఇలా ముంబైలో అక్రమ రాజ్యాన్ని ఏలిన హసీనా ఈ ఏడాది జులైలో గుండెపోటుతో కన్నుమూసింది. బ్రతికి ఉన్నప్పటినుంచే ఆమెజీవితం ఆధారంగా సినిమా చేయాలని అపూర్వ లఖియా భావించేవారు. అయితే పలు ఇబ్బందుల వల్ల అది ఇంతవరకూ కార్యరూపం దాల్చలేదు.

కార్తిక్