ఇంట్లో అడ్డంగా దొరికిపోయిన త్రిష-రానా!

Posted: 08/22/2014 04:06 PM IST

Tollywood hero daggubati rana going regularly to trisha home in chennai

సౌత్ ఇండస్ట్రీ హాట్ భామ త్రిష, టాలీవుడ్ బాహుబలుడు రానా పీకల్లోతుదాకా ప్రేమలో మునిగిపోయారంటూ మీడియాలో వార్తకథనాలు, రూమర్లు నడుస్తున్న విషయం తెలిసిందే! గుట్టుచప్పుడు కాకుండా రాత్రి పార్టీపబ్బుల్లో... విదేశాల్లో వీరిద్దరూ రహస్యంగా కాలం గడుపుతున్నట్టు ఎన్నోరకాల గాసిప్స్ చక్కర్లు కొట్టాయి. అయితే ఈ జంట మాత్రం తమ మీద వస్తున్న ఈ వదంతులను పట్టించుకోకుండా తమ పని తాము కానిచ్చేస్తున్నారు. అలా అనీ తమ మధ్య వున్న రిలేషన్ షిప్ గురించి కూడా సరిగ్గా క్లారిటీ ఇవ్వడం లేదు. అప్పుడప్పుడు వీరిద్దరూ కలిసి మీడియాకి చిక్కినప్పుడల్లా.. మేమిద్దరం జస్ట్ క్లోజ్ ఫ్రెండ్ అంటూ కామా పెట్టేస్తారు కానీ.. ఫుల్ స్టాప్ వచ్చేంతవరకు తమ మధ్య వున్న రిలేషన్ సెంటెన్స్ ని మాత్రం ముగించరు. ఇప్పటికే వీరిద్దరి మధ్య ఎఫైర్ నడుస్తోందంటూ ఎన్నోసార్లు వార్తాకథనాలు వచ్చినా... వాటిమీద వీరిద్దరి నుంచి ఎటువంటి స్పందన లభించలేదు. దీంతో వీరిద్దరూ నిజంగానే ప్రేమలో మునిగిపోయారంటూ అందరూ ఫిక్స్ అయిపోయారు.

నిన్నటికి నిన్న విదేశాల్లో రానాతో కలిసి త్రిష బాగా ఎంజాయ్ చేసిందంటూ వచ్చిన వార్తలపై కూడా ఈ జంట నోరు విప్పలేదు. మీడియా ఎంత అరిచి కేకలు పెట్టుకున్నా.. వీరు మాత్రం తమ మధ్య వున్న బంధాన్ని బయటపెట్టుకుండా రహస్యంగానే కొనసాగిస్తున్నారు. దీంతో మీడియావాళ్లు వీరిద్దరి మీద నుంచి ఫోకస్ తీసేసింది. బహుశా వారికి ఇదే అదునుగా అవకాశం లభించినట్లు అనిపించిందేమో! తమ మీద మీడియా కన్ను పడటం లేదని భావించిన తరుణంలో చెన్నైలోని త్రిష ఇంటికి రానా తరుచూ వస్తూ పోతూ వున్నాడని ఒక సమాచారం బయటపడింది. ఇన్నాళ్లవరకు విదేశాల్లోనే విహరించిన ఈ ప్రేమపక్షలు.. ఇప్పుడు ఏకంగా త్రిష తన ఇంటినే ప్రేమగూటిగా మార్చేసిందని కోలీవుడ్, టాలీవుడ్ లలో వార్తలు తెగ తిరగేస్తున్నాయి. ఇంతేకాదు.. త్రిష అమ్మ కూడా వీరిద్దరి రిలేషన్ కు అడ్డు చెప్పకపోవడంతో ఇంట్లోనే బిందాస్ గా ఎంజాయ్ చేసుకుంటున్నారని లోగడ వార్తలు వినిపిస్తున్నాయి.

మొన్నీమధ్యే ఈ ప్రేమజంట దర్శకుడు రాఘవేంద్రరావు కుమారుడి పెళ్లి వేడుకల్లో కనిపించి.. అందరి దృష్టిని తమవైపుకు ఆకర్షించిన విషయం తెలిసిందే! తమ మధ్య ఏమీలేదంటూనే వీరిద్దరు జంటగా ఇలా ఫంక్షన్లకు అటెండ్ అవ్వడం, రానా తరచూ త్రిష ఇంటికి వెళ్లి ఎంజాయ్ చేయడాన్ని చూస్తుంటే.. త్వరలోనే వీరిద్దరు పెళ్లి చేసుకోవడం ఖాయమంటూ పరిశ్రమలో వున్న విశ్లేషకులు గుసగుసలాడుకుంటున్నారు. మరి తమ మీద వస్తున్న ఈ బెడ్ రూమ్ రూమర్లను ఈసారి తోసిపుచ్చుతారా లేదా గతంలోలాగే పట్టించుకోకుండా వదిలేస్తారా..? తోసిపుచ్చితే ఏమీ లేదుకానీ.. ఒకవేళ సైలెంట్ గా వుంటే మాత్రం వీరిమధ్య నడుస్తున్నది ఖచ్చితంగా ప్రేమవ్యవహారమేనంటూ అందరూ ఊహాగానాలు వ్యక్తం చేస్తున్నారు.