రెండో కూతురు పెళ్లి ప్రయత్నాల్లో చిరు!

Posted: 03/03/2015 10:24 AM IST

Chiranjeevi daughter srija second marriage gossips tollywood news

చిరంజీవి రెండో కూతురైన శ్రీజ.. శిరీష్ భరద్వాజ్ ని ప్రేమించి పెళ్లి చేసుకున్న విషయం తెలిసిందే! కొన్నాళ్లపాటు హ్యాపీగానే తమ లైఫ్ ని ఎంజాయ్ చేసిన ఆ జంట ప్రేమకు ప్రతిగా ఓ పాప కూడా పుట్టింది. అంతా సవ్యంగానే సాగుతోందని అనుకున్న తరుణంలో.. శ్రీజకు ఇబ్బందులు మొదలయ్యాయి. అత్తింటివారు కట్నం కోసం తనను నిత్యం వేధిస్తున్నారంటూ శ్రీజ తన గోడు వెళ్లబుచ్చింది. దాంతో ఆమె వారి వేధింపులు భరించలేక చివరికి విడాకులు తీసుకుంది. ఈ ఎపిసోడ్ మొత్తం ప్రతిఒక్కరికి తెలిసిన వ్యవహారమే! ప్రస్తుతం శ్రీజ విదేశాల్లో తన ఒంటరి జీవితాన్ని హ్యాపీగా ఆస్వాదిస్తోంది.

ఇదిలావుండగా.. ఈమధ్య ఫిలింనగర్ లో శ్రీజ పెళ్లికి సంబంధించి ఓ వార్త చక్కర్లు కొడుతోంది. ఆమెకు రెండో మళ్లీ రెండో పెళ్లి చేసి కొత్త లైఫ్ ని అందించాలని చిరు ప్రయత్నాలు చేస్తున్నారని ప్రచారం జరుగుతోంది. ఇప్పటికే మొదటి పెళ్లితో ఎన్నో ఇబ్బందులు ఎదుర్కొన్న శ్రీజకు.. రెండో పెళ్లిలో అటువంటి సమస్యలు ఏమీ లేకుండా వుండేలా జాగ్రత్త వహిస్తూ, ఒక మంచి సంబంధం కోసం చిరు ప్రయత్నిస్తున్నారని తెలుస్తోంది. అన్నీ అనుకున్నట్లే సవ్యంగా జరిగి, శ్రీజకు తగిన జోడీ దొరికితే.. సన్నిహిత బంధుమిత్రులు, శ్రేయోభిలాషుల మధ్య సింపుల్‌గా ఈ పెళ్లి జరిపించాలని చిరు కుటుంబసభ్యులు భావిస్తున్నట్లు సమాచారం!

అయితే.. ఈ వార్తలకు సంబంధించి అధికారిక ప్రకటలు ఇంకా వెలువడలేదు గానీ.. సోషల్ మీడియాలో మాత్రం ఈ పెళ్లి గురించి జోరుగా ప్రచారాలు కొనసాగుతున్నాయి. మరి.. ఈ శ్రీజ పెళ్లి విషయంపై వస్తున్న ఈ ఊహాగానాలపై చిరు ఎలా స్పందించనున్నారో వేచి చూడాల్సిందే!