బాయ్ ఫ్రెండ్ తో లైఫ్ ఎంజాయ్ చేస్తోంది...

Posted: 01/27/2015 01:31 PM IST

పరిశ్రమలో వున్న తారలందరూ తమ వ్యక్తిగత వ్యవహారాల గురించి మాట్లాడటానికి అంతగా ఇష్టపడరు. ముఖ్యంగా లవ్ అఫైర్లు, పెళ్లి వేడుకలు లాంటివి విషయాలు వస్తే.. చిరునవ్వు ఇచ్చి కెమెరాముందు నుంచి ఎస్కేప్ అవుతారు. వారి లవ్ ఎపైర్లకు సంబంధించి వార్తలు వచ్చినా.. అలాంటివేమీ లేవంటూ వాటిని ఖండిస్తూ వస్తుంటారు. ఇలా ఈ విధంగానే మిర్చి బేబి హంసానందిని కూడా నిన్నమొన్నటివరకు తాను ఎవరితోనూ ప్రేమించడం లేదంటూ చెప్పుకొంటూ వచ్చింది. కానీ.. ఇంతలోనే ఏమైందోగానీ తనకు ఓ బాయ్ ఫ్రెండ్ వున్నాడంటూ బహిరంగంగా స్టేట్ మెంట్ ఇచ్చేసింది. పైగా అతనితో లైఫ్ బాగా ఎంజాయ్ చేస్తున్నట్లుగానూ ఈ అమ్మడు తెలుపుతోంది.

ఓ ఫంక్షన్’లో పాల్గొన్న నేపథ్యంలో హంసానందిని తనకు బాయ్ ఫ్రెండ్ వున్నాడంటూ తెలిపింది. అతని పేరైతే చెప్పలేదు గానీ.. అతనితో కాలం గడుపుతున్న సమయంలో తాను ఈ లోకాన్నే మరిచిపోతానంటోంది ఈ సెక్సీ బ్యూటీ! తన బాయ్ ఫ్రెండ్’తో ఎంతో ఎంజాయ్ చేస్తున్నానని తెలిపిన ఈ అమ్మడు.. వీలు దొరికినప్పుడల్లా పబ్బులు, బీచ్’లు, షికార్లు, టూర్లకంటూ తిరుగుతూ లైఫ్’ని ఆనందంగా ఆస్వాదిస్తున్నట్లు పేర్కొంది. అయితే.. ప్రస్తుతం కెరీర్’పైనే తాను ఫోకస్ పెట్టిందని, అందుకే అతనితో పెళ్లి చేసుకునే ఆలోచన ఇప్పుడే లేదని తెలుపుతోంది. సమయం వచ్చినప్పుడు తన పెళ్లి విషయాన్ని అధికారికంగా తెలుపుతానని చెప్పినట్లు సమాచారం!

ఒకప్పుడు ఈ అమ్మడు హీరోయిన్’గా ఓ వెలుగు వెలిగిపోదామని భావించి ఇండస్ట్రీలోకి ఎంట్రీ ఇచ్చింది. తొలుత రెండుమూడు ఆఫర్లైతే వచ్చాయి. అయితే.. ఆయా చిత్రాలు బోల్తాపడటంతో మళ్లీ అవకాశాలు రాలేదు. కానీ.. ఈమె మాత్రం వెనకడుగు వేయకుండా తన ప్రయత్నాలు చేసుకుంటూ ముందుకు సాగింది. ఈ నేపథ్యంలో ఐటమ్ సాంగుల్లో నటించే ఆఫర్లు వచ్చాయి. అలా వచ్చిన ఆ అవకాశంతో ఇప్పుడు ఐటమ్ పాటల గర్ల్’గా చెలామణి అవుతోంది. ఈ నేపథ్యంలో హిమాచల్ ప్రదేశ్ టూర్’కి ఈ అమ్మడు వెళ్లగా.. అక్కడ తన బాయ్ ఫ్రెండ్’తో పరిచయమైనట్లు తెలిపింది. ఆ పరిచయమే కాస్త ప్రేమగా మారిందని చెప్పుకుంటున్నారు.

AS