Posted: 01/22/2013 06:29 PM IST

టాలీవుడ్ లో ఒకప్పుడు టాప్ హీరోయిన్ గా చెలామణి అయిన చెన్నై చిన్నది త్రిషకు ఇప్పుడు అసలే అవకాశాలు లేకుండా పోవడంతో తమిళ ఇండస్ట్రీలో తన లక్ ని పరీక్షించుకోవడానికి అక్కడ చిన్నా చితక హీరోలతో సినిమాలు చేస్తూ కాలం వెళ్ళదీస్తుంది. తాజాగా ఈ అమ్మడు హీరో విశాల్ సరసన ‘సమర్ ’ అనే చిత్రంలో నటించింది. ఇక అసలు విషయం ఏంటంటే... సినీ నటి త్రిషకు మద్యం సేవించే అలవాటు ఉన్నట్టు కోలీవుడ్, టాలీవుడ్ మీడియాలో జోరుగానే ప్రచారం సాగింది. దీన్ని నిజం చేసేలా త్రిష తాజాగా వ్యాఖ్యలు కూడా ఉండటం గమనార్హం. తాను మద్యం సేవించినట్టుగా సన్నవేశాలు ఉండే చిత్రాలన్నీ సూపర్ డూపర్‌హిట్లు అయ్యాయని చెపుతోంది. అందువల్ల తాను నటించే చిత్రాల్లో కూడా దర్శకులు మద్యం సన్నివేశాలు ఉండేలా సీన్లు క్రియేట్ చేస్తున్నారని ఈ చెన్నయ్ చిన్నది చిలక పలుకులు పలుకుతుంది . ఈ వ్యాఖ్యలు త్రిషకు వివాదాన్ని తెచ్చి పెట్టే విధంగా కనిపిస్తున్నాయి.  హిందూ పీపుల్స్ పార్టీ నేత ముత్తు రమేష్ వంటి వారు విమర్శలు గుప్పిస్తున్నారు. సినిమా తారలను చాలా మంది అనుకరించడానికి ప్రయత్నిస్తుంటారని, వెండి తెర మీద తాగుడుకు వ్యతిరేకంగా సన్నివేశాలు ఉండాల్సింది పోయి, మద్యాన్ని సమర్థించే విధంగా సన్నివేశాలు ఉండకూడదని వారు హితవు పలుకుతున్నారు. మరి తనకు తాగుడు అలవాటు ఉన్నదని త్రిష పబ్లిసిటీ కోసమే ప్రచారం చేసుకుంటుందని సినీ జనాలు అనుకుంటున్నారు.