Posted: 01/03/2013 05:26 PM IST

బాలీవుడ్ సెక్సీ హీరోయిన్ అయిన అయేషా టాకియా గుర్తుందా ? గతంలో పూరి జగన్నాథ్ దర్శకత్వంలో నాగార్జున సరసన ‘సూపర్ ’ సినిమాలో నటించి తెలుగు ప్రేక్షకులకు పరిచయం అయింది. ఇక ఈ సినిమా తరువాత ఈ అమ్మడు తెలుగు ఒక్క సినిమాలో కూడా నటించలేదు. తరువాత రాజకీయ నాయకుడిని పెళ్లి చేసుకొని హాయిగా సంసారం చేస్తున్న ఈమె పెళ్లి తరువాత కూడా బాలీవుడ్ లో మొన్నామధ్య వచ్చిన వాండెట్ సినిమా వరకు నటించింది. తరువాత నుండి సినిమాలకు దూరం అయిన ఈ అమ్మడు సినిమాల్లో ఎందుకు నటించట్లేదని అడిగితే...  సినిమాల పై మోజు తీరిందని, ఇక నటించేందుకు ఆసక్తి లేదని చెప్పుకొచ్చింది. ఆసక్తి తగ్గిందా లేక ఇంకేమైనా కారణమా అని అడిగితే... సినిమాల పై ఆసక్తి తగ్గింది కానీ.... బుల్లితెర పై మోజుపెరిగింది. టీవీ రియాల్టీ షోల్లో నటించడానికి ఇబ్బంది లేదని తెలిపింది. అయితే బాలీవుడ్ జనాలు మాత్రం తన భర్తే సినిమాల్లో నటించ వద్దన్నాడని,  అందుకే నటించట్లేదని అనుకుంటున్నారు. ఏది ఏమైనా ఇక పై అయేషా అందాలు వెండి తెరమరుగు అయినట్లేనని తెగబాధ పడిపోతున్నారు.