Posted: 12/31/2012 12:33 PM IST

80వ దశకంలో టాలీవుడ్ ని ఓ ఊపు ఊపిన హీరోయిన్ రాధ. తన డ్యాన్సులతో నటనతో టాలీవుడ్ లో టాప్ హీరోయిన్ గా పేరుతెచ్చుకున్న ఈమె తాను వెండితెర పై లేని లేటును తమ కూతుర్లలో చూసుకుంటుంది. తన ఇద్దరి కూతుర్లను వెండితెర పై తెరంగ్రేటం చేయించింది. ఇప్పటికే పెద్ద కూతురు కార్తీక తనకంటూ ఓ గుర్తింపును తెచ్చుకుంది. ఇక ఇప్పుడు తన చిన్న కూతురు అయిన తులసిని ప్రముఖ దర్శకుడు అయిన మణిరత్నం ‘ కడలి ’ చిత్రం ద్వారా ఎంట్రీ ఇస్తున్న విషయం తెలిసిందే. ఈ సినిమా ఫస్ట్ లుక్, ఆడియో కూడా రిలీజ్ అయ్యాయి. ఇందులో తులసికి అక్కను మించిన మార్కులే పడ్డాయి. అయితే ఫిలింనగర్లో తులసి పై కొన్ని గాలి వార్తలు వస్తున్నాయి. ఈ సినిమాలో తులసి కొన్ని సన్నివేశాల్లో నటించలేకపోతుందని, ఆ సీన్లను వేరేవారితో చేయించుతున్నారని అంటున్నారు. ఈ వార్తల పై రాధ గరం గరం అవుతుందట. నా కుమార్తె చేయలేనిది అంటూ ఏమీ లేదు... నేను ఒకప్పుడు వెండి తెరను ఊపు ఊపాను, ఇప్పుడు నా కుమార్తెలు కూడా ఊపుతారు, చేప పిల్లకు ఈత నేర్పాల్సిన పనిలేదు కదా అని లెక్చర్లు ఇస్తుందట. తులసి నటనపై అనుమానాలున్నవారు షూటింగ్ జరిగే ప్రదేశానికి వెళ్లి రండి, అప్పుడు అర్థమవుతుందని అంటోంది. అయితే రాధ మాటలు విన్న సినీ జనాలు నిప్పలేనిదే పొగరాదు కదా అని అంటున్నారు.