Posted: 12/06/2012 07:16 PM IST

డిసెంబర్ నెల ప్రారంభమైతే చాలు న్యూ ఇయర్ పార్టీల సందడి మొదలవుతుంది. స్టార్ హోటల్స్ నిర్వాహకులు, పబ్  నిర్వాహకులు సెలబ్రెటీలను బుక్ చేసుకోవడానికి తెగ ఆరాటపడుతుంటారు. ఇదే సమయం అన్నట్లుగా చిన్న చితకా హీరోయిన్స్ కూడా నాలుగు రాళ్ళు వెనుకోసుకోవడానికి ఆలోచిస్తారు. ఇప్పుడు ఎన్టీఆర్ మాజీ లవర్ అయిన సమీరా రెడ్డికి కూడా భలే గిరాకి వచ్చింది. న్యూఇయర్ కోసం లక్నోలో జరిగే ఓ ప్రోగ్రాం కోసం సమీరా రెడ్డి పది నిమిషాలు డాన్స్ చేసినందుకు భారీ మొత్తంలో వసూలు చేయబోతున్నట్లు సమాచారం.  ఈ అమ్మడు అందుకోబోయే మొత్తం ఎంతో తెలుసా ? అక్షరాల యాభై లక్షలట. ఇప్పటికే ఒకటి అర సినిమాల్లో ఐటెం గర్ల్ గా చేసిన సమీరా రెడ్డికి లోకల్ లో అంతగా గిరాకీ లేకున్నా, బయటి గిరాకీ మాత్రం బాగానే ఉందని అనుకుంటున్నారు. తాజాగా వెంకీ, అబ్బాయి రాణాతో ఓ ఐటెం సాంగులో చిందులేని తెలుగు తెరను షేక్ చేసిన సమీరా తాజాగా వచ్చిన ఐటెం సాంగులను పెట్టుకొని డైలీ ప్రాక్టీస్ చేస్తుందని అంటున్నారు. మరి న్యూ ఇయర్ కి ఏ మాత్రం ఇరగదీస్తుందో చూడాలి.