Posted: 04/13/2012 05:48 PM IST

ఇటీవల టాలీవుడ్ హీరో నాగార్జున దర్శకేంద్రుడు రాఘవేంద్రరావు దర్శకత్వంలో ‘షిరిడిసాయి’ సినిమాలో నటిస్తున్నాడు. ఈ సినిమా అంత్యంత భక్తి శ్రధ్ధలతో తెరకెక్కిస్తున్నామని దర్శకేంద్రుడు చెబుతున్నాడు. గతంలో నాగార్జున కూడా తిరుపతిలో ప్రస్తుతం షిరిడీ సాయి సినిమా చేస్తున్నాను. అందుకోసం నేను చాలా నిష్టగా ఉంటున్నాను అని చెప్పాడు.

కానీ నాగార్జున చెప్పిన మాటలు వట్టివేనని, మీదిమీది మాటలు చెప్పి అభిమానులను మభ్యపెట్టడం తప్ప పాటించడం లేదని తాజాగా జరిగిన ఈ సంఘటనతో నిరూపించాడు.

ఇటీవల నాగార్జున ఎన్ ఏషియన్ అనే రెస్టారెంట్ ను స్థాపించాడు. ఆ రెస్టారెంట్ ఓపెనింగ్ కి తన భార్య అమలతో కలిసి పాల్గొన్నాడు. ఆ ఫంక్షన్లో మద్యం సేవిస్తూ... పొగతాగుతూ కెమెరా కళ్ళకు చిక్కాడు. ఆ ఫోటో కాస్త మీడియాకు లీకయింది. ఇంకేముందు నాగార్జున అడ్డంగా బుక్కయ్యాడు. సాధారణంగా నాగార్జున మద్యం, సిగరెట్ కాల్చుతుంటాడు. కానీ నేను షిరిడీ సాయి సినిమా చేస్తున్నాను కాబట్టి నియమ నిష్టలతో ఉన్నాను అని ప్రకటించి ఇప్పుడు ఇలా కనిపించడంతో సాయి భక్తులు మండిపడున్నారు.

నాగార్జున తన మాటలను ఆచరణలో పెట్టడం లేదని అనుకుంటున్నారు. ఓ దేవుడిగా తెరపై నటిస్తూ చూడ్డానికి ఇబ్బంది కరంగా ఉందని పలువురు అభిప్రాయ పడుతున్నారు. అమల చేతిలో ఉన్న పానీయంపై కూడా అనుమానాలు తలెత్తుతున్నాయి. భార్య భర్తలు ఇద్దరు రాత్రికి మందు కొట్టి తెల్లవారి మేం నిష్టగా ఉంటున్నాం అని చెప్పడం అభిమానులకు గిట్టడం లేదు. ఏది ఏమైనా నాగ్ ఇలా చేయడం కరెక్టు కాదేమో.