Posted: 12/10/2011 01:57 PM IST

మొన్నటి వరకు ఐపీఎల్ క్రికెట్ టోర్నమెంట్‌లో పంజాబ్ ఫ్రాంచైజీ యజమానిగా కొనసాగిన ప్రీతిజింటా... నిర్మాణరంగంలోకి అడుగుపెడుతోంది. గతంలోనే తను నిర్మాతగా మారుతున్నట్లు ప్రీతి ప్రకటించినా అప్పట్లో అది కార్యరూపం దాల్చలేదు. ఇప్పుడు పూర్తిగా స్థాయిలో నిర్మాతగా మారేందుకు రంగం సిద్ధం చేసుకుంటోందట. ఆమె నిర్మించబోయే చిత్రం పేరు 'ఇష్క్ ఇన్ ప్యారీస్'. నటీ నటులంతా కొత్తవారినే తీసుకోవాలని ఈ పంజాబీ భామ భావిస్తోంది. ఈ చిత్రానికి 'మై ఔర్ మిసెస్ కన్నా' చిత్రానికి దర్శకత్వం వహించిన ప్రేమ్‌రాజ్ దర్శకత్వం చేయనున్నాడు. ఇందులో ఫ్రెంచ్ హీరోయిన్ ఇషాబెల్లీ నటించే అవకాశం ఉందట. ఈ చిత్ర విశేషాల గురించి ప్రీతి మాట్లాడుతూ "వయసులో వున్న యువతీ యువకుల మధ్యవున్న స్వచ్ఛమైన లవ్‌ని తెరమీద చూపించబోతున్నాం. ప్యారీస్‌లో మొదలయ్యే వీరి లవ్‌స్టోరీ క్లైమాక్స్‌లో ఎలా ముగిసిందనేది ఎంతో ఆసక్తికరంగా ఉంటుంది. ఇందులో నటించే నటులంతా కొత్తవారే' అని తెలిపింది.