పెళ్లి సాక్షిగా చిరు ఆత్మీయరాగంలో బాలయ్య

Posted: 08/21/2013 03:24 PM IST

కేంద్ర మంత్రి మెగా స్టార్ చిరంజీవి .. ఈ రోజు ఉదయం నటసింహ నందమూరి బాలయ్య రెండో కూతురి తేజ్వవినీ పెళ్లి హాజరయ్యారు. అప్పటి వరకు హడావుడిగా కనిపించిన బాలయ్య ముఖంపై ‘చిరు’నవ్వు నాట్యం చేసింది. మెగా స్టార్ చిరంజీవి రాకను గమనించిన బాలయ్య వెంటనే సాదరంగా ఆహ్వానించారు. చిరంజీవి బాలయ్య ఒకరినొకరు ఆలింగనం చేసుకున్నారు.

 ఈఇద్దరి కలయికను చూసిన పెళ్లి పెద్దలు, బంధువులు, బాలయ్య అభిమానులు ఆనందంతో పొంగిపోయారు. బాలయ్య దంపతులు చిరంజీవి స్వాగతం పలికారు. అయితే ఇక్కడ ఒక విషయం మాట్లాడుకోవాలి. బాలయ్య చిరంజీవిల మద్య ఎలాంటి విభేదాలు లేవు. కానీ కొన్ని సందర్భల్లో మాత్రం ఒకరిపై ఒకరు ఘాటైన విమర్శలు చేసుకున్నా విషయం తెలిసిందే.

అయితే ఈరోజు మాత్రం మా ఇద్దరి మద్య ఎలాంటి విభేదాలు లేవని రుజువుచేశారు. నందమూరి పెళ్లి వేడుకలో మెగా సందడి నెలకొంది. అయితే చిరంజీవి ఒక్కరే రావటంతో.. బాలయ్య అభిమానులు కొంత అసనం వ్యక్తం చేశారు. చిరంజీవి భార్య సురేఖ, కూడా పెళ్లి వచ్చివుంటే.. ఒకే వేదికపై చిరంజీవి దంపతులు, బాలయ్య దంపతులతో మెగా సందడిగా ఉండేదని బాలయ్య అభిమానులు అంటున్నారు. అయితే చిరంజీవి నూతన వధూవరులను ఆశీర్వదించారు.

ఆ తర్వాత బాలయ్య దంపతులతో పెళ్లి ముచ్చట్లు చెప్పుకోవడం జరిగింది. ఈ ఇద్దరూ ఆత్మీయంగా ఒకరినొకరు ఆలింగనం చేసుకున్న విషయం పై బాలయ్య అభిమానులు, మెగా అభిమానులు ఆనందం వ్యక్తం చేస్తున్నారు.