చిరంజీవి ఎటువైపు?

Posted: 07/28/2013 11:49 AM IST

ఢిల్లీలో జరుగుతున్న పరిస్థితుల పై రాష్ట్ర ప్రజలు ఎంతో ఆశగా ఎదురుచూస్తున్నారు. అయితే సీమాంద్ర నాయకులు మాత్రం ఆందోళన చెందుతున్నట్లు వార్తలు వస్తున్నాయి. సీమాంద్ర నాయకులు, తెలంగాణ కాంగ్రెస్ నాయకులు గతంలో విడిపోయిన విషయం తెలిసిందే. తెలంగాణ కోసం తెలంగాణ కాంగ్రెస్ నాయకులు, సమైక్యాంధ్ర కోసం సీమాంధ్ర నాయకులు ఢిల్లీలో ప్రయోగాలు చేస్తున్న విషయం తెలిసిందే. అయితే కేంద్ర పర్యాటశాఖ మంత్రి చిరంజీవి ఎటు వైపు అనే విషయం పై కాంగ్రెస్ నాయకులు మద్య చర్చలు జరుగుతున్నట్లు సమాచారం. రాష్ట్రం విడిపోనుందనే వార్తలతో మంత్రి చిరంజీవి ప్రధాని మన్మోహన్ సింగ్ ను కలిసినట్లు ఢిల్లీ లో మీడియా కోడై కూస్తుంది. అయితే చిరంజీవి ప్రధాని మంత్రి రాష్ట్రం గురించి ఎం చెప్పారు? రాష్ట్ర విభజన జరగాలని చెప్పారా? లేక రాష్ట్రం సమైక్యాంగా ఉంచాలని చెప్పారా? అనే విషయం చర్చలు కాంగ్రెస్ నాయకులు మద్య బలంగా జరుగుతున్నట్లు సమాచారం. రాష్ట్రం సమైక్యంగా ఉంటే కలిగే ప్రయోజనాలు , ఒక వేళ విడిపోతే అవి సమస్యలుగా మారతాయని, వివిద అంశాలపై ప్రధానికి తెలిపినట్లు సీమాంద్ర నాయకులు అంటున్నారు. అయితే చిరంజీవి చెప్పిన విషయాలను, సూచనలు ఆచరణయోగ్యంగా ప్రజలకు మేలుకలిగేలా ఉన్నాయని ఢిల్లీ పెద్దలు సీమాంధ్ర నాయకులతో చెప్పినట్లు సమాచారం. కానీ చిరంజీవి చెప్పిన విషయాలు కాంగ్రెస్ హైకమాండ్ ఆచరణకు ఏమాత్రం నోచుకుంటాయనేది ఒక ప్రశ్నార్థకమే ? ఎందుకంటే ఇప్పటికే తెలంగాణ పై ఒక స్పష్టమైన నిర్ణయానికి కాంగ్రెస్ అధిష్టానం వచ్చిన విషయం తెలిసిందే. అయితే ఈ అమ్మ ఆ నిర్ణయానికి ఇంక ముహూర్తం పెట్టలేదు. ఇదే సీమాంద్ర నాయకులు కనిపించిన బలం అని అంటున్నారు. అయితే మంత్రి చిరంజీవి మాత్రం ఎటువైపు బలంగా ఉన్నరనేది ఢిల్లీ పెద్దలకే అర్థకాలేదనే మాటలు ఢిల్లీ ఏపీ భవన్ లో వినిపిస్తున్నాయాని మీడియా వర్గాలు అంటున్నాయి.