Posted: 12/17/2012 12:58 PM IST

మొన్న సోనియా అగర్వాల్, నిన్న మనీషా కొయిరాల, నేడు మమత మోహన్దాస్... సినీ జగత్తులో తారలుగా తమదైన స్థానాన్ని సంపాదించుకున్న ఈ హీరోయిన్లు, నిజ జీవితం లో పెళ్లి చేసుకుని మాత్రం తమ వివాహాన్ని నిలుపుకోలేకపోయారు... విడాకులు తీసుకుని, మళ్ళీ సినిమాల వైపు మొగ్గు చూపుతున్నారు. రెండు సంవత్సరాల క్రితం, పెద్దలు చూసిన సంబంధం చేసుకున్న బాలీవుడ్, కాలీవుడ్ హీరోయిన్, 'ఒకే ఒక్కడు', 'బాబా' వంటి చిత్రాలతో తెలుగు ప్రేక్షకులకు కూడా సుపరిచితురాలయిన మనీషా కొయిరాల, క్రిందటి యాదాడే, తానూ తన భర్తతో విడిపోయాను అని ప్రకటించింది. అత్తిన్తివారి ఆరళ్ళు, భర్త కూడా అత్తా - మామలతో జత కట్టడం, తాను గృహహింసకు గురి అవ్వడం వల్ల, ఇక తాళలేక విడాకులు తీసుకున్నాను అని ప్రకటించింది... ఇప్పుడు మళ్ళీ అడపా దడపా సినిమాల్లో నటిస్తోంది... ఈ మధ్యనే ఈ నటికి తాను ఎదురుకుంటున్న 'క్యాన్సర్' సమస్యకు విజయవంతంగా శాస్త్ర చికిత్స కుడా జరిగింది.

తమిళ నాట పేరు పొందిన దర్శకుడు, తెలుగు నాట '7/G బృందావన్ కాలనీ', 'ఆడవారి మాటలకు అర్ధాలే వేరులే' వంటి సినిమాల దర్శకుడు, సెల్వరాఘవన్ ని ప్రేమించి పెళ్లి చేసుకుంది తమిళ హీరోయిన్ సోనియా అగర్వాల్... ఒక రెండు సంవత్సరాలు సవ్యంగానే సాగిన వీరి బంధం, రాఘవన్ సోనియా ను తిరిగి నటించడానికి సమ్మతించకపోవడం తో బేడిసికొట్టింది... వీరిరువురు, ఎవరి దారి వారు చూసుకున్నారు... సెల్వరాఘవన్, పెద్దలు చూసిన సంబంధం తో మళ్ళీ పెళ్లి చేసుకున్నాడు... సోనియా సినిమాలలో చాన్సు కోసం ప్రయత్నాలు చేస్తోంది...

ఇక ఈ మధ్యనే హల్ చల్ సృష్టించిన ఇంకొక వార్త, నటి - గాయని, మమతా మోహన్దాస్ తన భర్త నుండి విడిపోవడం... పట్టుమని సంవత్సరం కూడా సాగలేదు వీరి కాపురం... ఇద్దరి ఆలోచనలు వేరు కావడం వల్ల, విడిపోవడమే సబబని నిర్ణయించుకుందట మమత... మళ్ళీ సినిమాల్లో అవకాశాల కోసం ప్రయత్నాలు మొదలుపెట్టెసింది.ఈ నటీమణులందరూ వారి భాగస్వాముల నుండి విడిపోవడానికి స్వతహాగా ఎన్ని కారణాలు ఉన్నా, కామన్ కారణం మాత్రం, వీరికి రంగుల ప్రపంచం పై తగ్గని మోజు... దీనికి వీరి భాఘస్వాములతో విభేదాలు ఒచ్చి, ఇక పెళ్లిని పక్కన పెట్టి, రంగుల ప్రపంచానికె వోటు వేసారు ఈ నటీమణులు.