మూవీ ఆర్టిస్ట్ అసోషియేషన్ లో ప్రియమణి ఫిర్యాదు

Posted: 03/14/2018 01:03 PM IST

నటి ప్రియమణి గత కొంత కాలంగా తెలుగు చిత్రాలకు దూరంగా ఉంటున్న విషయం తెలిసిందే. అయితే ఆమె పేరును వాడుకుంటూ ఓ చిత్రాన్ని తెలుగులో ప్రచారం చేస్తుండటంపై ఆమె మండిపడుతున్నారు. ఈ మేరకు ఆమె మూవీ ఆర్టిస్ట్స్ అసోషియేషన్ లో ఫిర్యాదు కూడా చేశారు.

తెలుగులో ఐదేళ్ల క్రితం అంగుళిక అనే సినిమా కోసం ఆమె సంతకం చేశారు. అయితే కొంత పార్ట్ షూటింగ్ పూర్తయ్యాక.. అనివార్య కారణాల వల్ల ఆ ప్రాజెక్టు నుంచి ఆమె బయటకి వచ్చేశారు. తర్వాత మరో కథానాయికతో ఆ చిత్రం పూర్తి చేశారు.

కానీ, ఇప్పుడు ఆ చిత్రం కోసం ప్రియమణి ఫోటోలు, టీజర్ లో ఆమెను చూపిస్తున్నారు. దీంతో తనకు సంబంధం లేని చిత్రం కోసం తన పేరును ఎలా వాడుతారంటూ ఆమె దర్శకనిర్మాతలపై మాలో ఫిర్యాదు చేసింది. తనకు నష్టపరిహారం చెల్లించాలని ఆమె తన ఫిర్యాదులో డిమాండ్ చేసింది. 'మా' కార్యాలయానికి అందజేశానని ఆమె మేనేజర్ జి.హరినాథ్ తెలిపారు.