రంగమ్మ మంగమ్మ పాట విడుదల

Posted: 03/08/2018 06:06 PM IST

మెగా పవర్ స్టార్ రామ్ చరణ్ రంగస్థలం నుంచి మూడో పాట వచ్చేసింది. రంగమ్మ.. మంగమ్మ అంటూ సాగే మాస్ బీట్ ను దేవీ అందించాడు. మానసి పాడిన ఈ పాటకు చంద్రబోస్ సాహిత్యం అందించారు. దేవీ అందించిన బీట్ ఆకట్టుకునేలా ఉంది. ముఖ్యంగా చిట్టి బాబును టీజ్ చేస్తూ రామలక్ష్మి పాడిన పాటగా తెలుస్తోంది.

ఇప్పటికే ఈ చిత్రంలోనే ఎంత సక్కగున్నవే.. రంగస్థలం టైటిల్ సాంగ్ లకు విపరీతమైన ఆదరణ దక్కిన విషయం తెలిసిందే. ఇప్పుడు ఈ మూడో సాంగ్ కూడా దుమ్ము రేపటం ఖాయంగానే కనిపిస్తోంది.

దేవీ స్వరాలు సమకూర్చిన ఈ చిత్రం రంగస్థలం అనే గ్రామం నేపథ్యంలో తెరకెక్కుతోంది. రామ్ చరణ్, సమంత, అనసూయ, జగపతిబాబులు కీలక పాత్రలు పోషిస్తున్నారు. మైత్రి మూవీ మేకర్స్ బ్యానర్ పై సుకుమార్ డైరెక్ట్ చేశాడు. మార్చి 30న రంగస్థలం విడుదల కానుంది.