నాని మల్టీస్టారర్ లో రకుల్ కన్ఫర్మ్

Posted: 01/10/2018 06:44 PM IST

రోటీన్ డ్రామా అయినా ఎంసీఏ చిత్రాన్ని హిట్ ఖాతాలో పడేసిన ఘనత నాని దే. అందుకే వరుస హిట్లతో జోరు మీదున్న నేచురల్ స్టార్ సరసన నటించేందుకు స్టార్ హీరోయిన్లు సైతం మక్కువ చూపుతున్నారు. ఈ క్రమంలో శ్రీరామ్ ఆదిత్య దర్శకత్వంలో నాగ్ తో నాని చేయబోయే మల్టీస్టారర్ కోసం హీరోయిన్ ఖరారైనట్లు తెలుస్తోంది.

ఈ సినిమాలో నాని సరసన కథానాయికగా రకుల్ ను ఎంపిక చేసినట్టుగా సమాచారం. నానికి ప్రస్తుతం ఉన్న క్రేజ్ దృష్ట్యా ఆయనతో చేయడానికి రకుల్ గ్రీన్ సిగ్నల్ ఇచ్చేసిందని అంటున్నారు. త్వరలోనే ఈ విషయంపై అధికారిక ప్రకటన వెలువడనుందని చెబుతున్నారు. ఈ సినిమాలో డాన్ గా నాగ్ .. డాక్టర్ గా నాని కనిపించనున్నట్లు టాక్ వినిపిస్తోంది.

ఇదిలా ఉంటే నాని, ప్రస్తుతం 'కృష్ణార్జున యుద్ధం' చేస్తున్నాడు. ఆ సినిమా తుది షెడ్యూల్ పూర్తయ్యాక నాగ్ - నాని కాంబినేషన్లో సినిమా షూటింగ్ ప్రారంభమవుతుంది.