వర్మను తక్కువ అంచనా వెయ్యొద్దంటున్న నాగ్

Posted: 11/03/2017 05:33 PM IST

సుమారు పాతికేళ్ల తర్వాత శివ మ్యాజిక్ రిపీట్ కాబోతున్న విషయం తెలిసిందే. రామ్ గోపాల్ వర్మ-నాగార్జున కాంబినేషన్ లో తెరకెక్కనున్న కొత్త చిత్రం గురించి నాగ్ కూడా క్లారిటీ ఇచ్చేశాడు. తన కంటే ముందే మీడియా విషయం చెప్పిసిందంటూ ఈ ఉదయం ఓ ట్వీట్ చేశాడు. ఆ తర్వాత చేసిన మరో ట్వీట్ కూడా వర్మకు బాగా నచ్చింది.

అప్పట్లో తాను వర్మకు శివ చిత్రం కోస ఓకే చెప్పినప్పుడు కూడా చాలా మంది కామెంట్లు చేశారని.. ఇప్పుడు కూడా కొత్త చిత్ర విషయంలో నిరూపించుకునే అవకాశం వచ్చిందని ఓ ట్వీట్ చేశాడు. దీంతో ఆ సందేశం స్క్రీన్ షాట్ తీసిన వర్మ... ‘బాగా చెప్పావు నాగ్. మొట్టమొదటిసారిగా, నా కెరీర్ లో నేను చెబుతున్నా.. ఈ సినిమా గురించి ఒక్కముక్క కూడా నేను మాట్లాడను..నా సినిమానే మాట్లాడుతుంది’ అని పేర్కొన్నారు.

మరో సందేశంలో ‘హే నాగ్, నువ్వు ఎప్పుడూ తక్కువ మాట్లాడతావు, నేను ఎక్కువ మాట్లాడతాను. ఇప్పుడు మాత్రం, మన పాత్రలు తారుమారయ్యాయి..’ అని వర్మ అన్నారు. కాగా, ఈ చిత్రం శివ తరహా చిత్రం కాదని.. ఓ స్టైలిష్ యాక్షన్ పోలీస్ కథ అని నాగ్ చెప్పేశాడు కూడా.