కాజోల్ మత ట్వీట్ పై తీవ్ర దుమారం

Posted: 09/02/2017 05:10 PM IST

బాలీవుడ్ సీనియర్ నటి, అజయ్ దేవగన్ వైఫ్ కాజోల్ పై ఓ అభిమాని తీవ్ర స్థాయిలో విరుచుకుపడ్డాడు. అభిమానుల‌కు గ‌ణేశ్ ఉత్స‌వ్‌, బ‌క్రీద్ పండుగ‌ల శుభాకాంక్ష‌లు తెలియ‌జేస్తూ న‌టి కాజోల్ ఓ ట్వీట్ చేయగా, అది వివాదాస్పదమైంది. రెండు పండుగ‌ల‌ను క‌లిపి ఒకేసారి విషెస్ చెబుతూ ఆమె ఓ వాక్యం రాశారు.

`గ‌ణ‌ప‌తి, ఈద్ పండుగ‌ల‌ను దేవుళ్లే కలసి ఒక‌రోజు జ‌రుపుకుంటున్నారు. మ‌రి మ‌న‌మెందుకు జ‌రుపుకోకూడ‌దు? అందరికీ శుభాకాంక్ష‌లు` అంటూ ఆమె ట్వీట్ చేశారు. దీనిపై ఓ ముస్లిం వ్యక్తి తీవ్ర వ్యాఖ్య‌లు చేశాడు. `ఇదే మీకు నా చివ‌రి హెచ్చ‌రిక‌, లేదంటే జ‌ర‌గ‌బోయే వివాదానికి మీరే బాధ్యత వ‌హించాల్సి ఉంటుంది` అని కామెంట్ చేశాడు.

కాజోల్‌కు మ‌ద్ద‌తునిస్తూ కొంత‌మంది నెటిజ‌న్లు ఆ ముస్లిం నెటిజ‌న్‌ను తీవ్రంగా విమ‌ర్శించారు. ఇంకా కాజోల్ చేసిన ట్వీట్ చాలా బాగుంద‌ని, ఆలోచింప‌జేసేదిగా ఉంద‌ని చాలామంది నెటిజ‌న్లు అభిప్రాయ‌ప‌డ్డారు.