ఆర్జీవీ కామెంట్లపై టైగర్ ష్రాఫ్ సీరియస్

Posted: 03/07/2017 09:16 AM IST

క్రేజీ పనులతో సోషల్ మీడియాలో సెన్సేషన్ అయిపోవటం వర్మకు కొత్తేం కాదు. అయితే అందుకోసం దగ్గరి మనుషులను కూడా టార్గెట్ చేయటం ఈ మధ్య బాగా అలవాటు చేసుకున్నాడు కూడా. గౌరవం మర్యాద ఉంది అంటూనే మెగా ఫ్యామిలీపై ఆర్జీవీ చేసే వ్యాఖ్యలు ఫ్యాన్స్ ఆగ్రహానికి గురి చేసినా మధ్య మధ్యలో అదే పని చేస్తూ వస్తున్నాడు. రీసెంట్ గా మరో హీరో తనయుడిపై కామెంట్లు చేసి చివాట్లు తింటున్నాడు.

బాలీవుడ్ సీనియర్ నటుడు జాకీ ష్రాఫ్ తనయుడు టైగర్ ష్రాఫ్ ను బికినీ బేబీ అంటూ కామెంట్ చేసి విమర్శలు ఎదుర్కున్నాడు వర్మ. ఇంతకీ వర్మ వర్షన్ ఏంటంటే.. టైగర్ కి తండ్రి జాకీలా మంచి బాడీ షేప్ లేదంట. రీసెంట్ గా టైగర్ కి బర్త్ డే విషెష్ చెబుతూ ఓ పోస్టర్ రిలీజ్ అయ్యింది. అందులో అతగాడి పోజులు ఉర్మిళలో రంగీలా ఉందని, మగాడిలా ఫోజులివ్వటం నేర్చుకో అంటూ ట్వీట్ చేశాడు.

అయితే ఈ అవమానంపై జాకీ, టైగర్ లు లైట్ తీస్కున్నప్పటికీ, టైగర్ ష్రాఫ్ తల్లి అయేషా మాత్రం బాగా సీరియస్ అయ్యింది. నిజమైన మగాడికి ఇతరులను ఎలా గౌరవించాలో తెలుసని, టైగర్ కి అలాంటి వ్యక్తిత్వం ఉందంటూ వర్మపై ఫైర్ అయ్యింది. అయితే తన కామెంట్లు బాధిస్తే క్షమించాలని కోరిన వర్మ, మళ్లీ ఎటకారంగానే మరో ట్వీట్ వేశాడు.

 

@iTIGERSHROFF Wanna prove by taking sm pics of urs nd shoot jst 1 fight scene with u and if I fail,u can use ur kicks on me @bindasbhidu

— Ram Gopal Varma (@RGVzoomin) March 4, 2017