ఆ విలన్ కు భయపడి పెళ్లాలను దాచేవారంట!

Posted: 02/17/2017 03:53 PM IST

Men hid their wives when they saw this actor

(Image source from: http://www.teluguwishesh.com/administrator/index.php?option=com_k2&view=item#k2Tab1)

నటుడు అంటే కేవలం ఆ పాత్రకు సరిపోయే బాడీ ఒక్కటే ఉండటం కాదు... ఆహార్యం అంతకు మించి అవసరం. మనం ఒక పాత్ర చేస్తున్నాం అంటే దాని ప్రభావం చూసే ప్రేక్షకులపై బలంగా ఉండాలి. అప్పుడే మనం చేస్తున్నది ఫర్ ఫెక్ట్ పని అంటూ స్వర్గీయ నటులు ఎందరో చెప్పేవారు. అయితే ఇక్కడ ఓ నటుడు మాత్రం ఆ ఇంపాక్ట్ ను చాలా బలంగానే వేసేవాడంట. ఎంతలా అంటే భయంతో వణికిపోయేంతలా.. ఆయన ఎవరో కాదు లెజెండరీ నటుడు ప్రేమ్ చోప్రా.

80వ దశకంలో బాలీవుడ్ బ్యాడ్ మ్యాన్ గా ఫేమస్ అయిన ప్రేమ్ తన కెరీర్ లో 50 ఏళ్లు పూర్తి చేసుకున్నాడు. మొత్తం 350 సినిమాల్లో నటించిన ఈ సీనియర్ నటుడు ఆల్ మోస్ట్ విలన్ పాత్రలే చేశాడు. అయితే, ఆ ప్రభావం మూలంగా తాను చాలా ఇబ్బందులు ఎదుర్కున్నాని కూడా చెప్పుకొచ్చాడు. ఎక్కువ సినిమాల్లో రేప్ లు, మర్డర్ లు చేయటం మూలంగా నిజ జీవితంలో మగవాళ్లకు తాను ఎదురుపడితే, వారి భార్యలను దాచేసేవారని అప్పటి పరిస్థితులను గుర్తు చేసుకున్నాడు. అయితే వారు, అంతలా, భయపడ్డారంటే, తాను బాగా నటించాననే కదా అర్థం అని ఆయన అన్నారు.

Prem Chopra

సినిమాల్లో చేసిన విలన్ పాత్రల్లో ఉన్నట్టుగానే తాను నిజ జీవితంలో కూడా ఉంటానని ప్రేక్షకులు భావిస్తుంటారని, ఆ విధంగా వారు భావించడాన్ని తాను కాంప్లిమెంట్ గానే తీసుకుంటానని అన్నారు. అసలు, సినీ పరిశ్రమలోకి హీరో కావాలని తాను అడుగుపెట్టానని, అయితే, తాను ప్రధాన పాత్రలో నటించిన ఓ బాలీవుడ్ సినిమా సక్సెస్ కాకపోవడంతో తనకు హీరోగా నటించే అవకాశాలు రాలేదని అన్నారు. దీంతో, విలన్ పాత్రల్లో నటించమన్నారని, ఆ పాత్రల్లో నటించడంతో తన జీవితం మలుపు తిరిగిందని ప్రేమ్ చోప్రా చెప్పుకొచ్చారు. ప్రస్తుతం పంజాబీ చిత్రాల్లో నటిస్తున్న ప్రేమ్ చోప్రా చివరి రోజుల్లో అయినా మంచి వ్యక్తి అనిపించుకోవాలని ఉందంటూ ఓ చమక్కు విసిరాడు కూడా.