ఆటోడ్రైవర్ తో నటికి చేదు అనుభవం

Posted: 10/18/2016 12:18 PM IST

ఎవరైనా మోసపోతే పెద్దగా పట్టించుకోకపోవచ్చేమోగానీ సెలబ్రిటీల విషయంలో మాత్రం అది సమ్ థింగ్ స్పెషలే. అయితే అది మరీ సిల్లీగా ఉంటే ఎలా ఉంటుంది. ముంబై టీవీ నటి మేఘా చక్రవర్తి కి అలాంటి అనుభవమే ఎదురైంది. అది కూడా ఓ ఆటో డ్రైవర్ చేతిలో...

ఇంతకీ అతగాడు ఏం చేశాడు అనేగా... ఏం లేదు. ఓ ఫేక్ వంద రూపాయల నోటు ఇచ్చాడు. ఆ మాత్రం దానికే అంటారా? ఓసారి అది జాగ్రత్తగా చూడండి. పిల్లలు ఆడుకునే నోటు ఇచ్చి ఆమెను బురిడీ కొట్టించాడు ఆ డ్రైవర్. శనివారం సాయంత్రం బయటికి వెళ్లిన మేఘా తిరిగి ఇంటికి వచ్చేందుకు ఓ ఆటో మాట్లాడుకుంది. తీరా ఆటో దిగాక అతగాడు ఓ వంద రూపాయల నోటును మడిచి ఆమె చేతిలో పెట్టాడు. ఇంట్లోకి వెళ్లి చూసే సరికి దానిపై రిజర్వ్ బ్యాంకు ఆఫ్ ఇండియా ప్లేస్ లో చిల్ట్రన్ బ్యాంక్ ఆఫ్ ఇండియా అని ఉంది. తాను బకరా అయిన విషయాన్ని పసిగట్టిన ఆమె ఆ విషయాన్ని ఫేస్ బుక్ లో షేర్ చేసుకుంది.

ఆ నోటు చాలా దారుణం. చిల్డ్రన్ బ్యాంక్ ఆఫ్ ఇండియా అని ఉంది. పైగా ఏక్ సౌ కూపన్ అని రాసి ఉంది. ముంబై ఆటోవాలా చేతిలో ఫూల్ అయ్యాను. సాలా కమినా అంటూ తిట్ల దండకం అందుకుంది. ఆ పోస్టుకు 10 వేల దాకా లైకులు రాగా, వేల సంఖ్యలో కామెంట్లు వస్తున్నాయి. జిందగీ చానెల్ లో ప్రసారమయ్యే కాబోన్ కి జమీన్ పర్ అనే సీరియల్ ద్వారా మేఘా బాగా పాపులర్ అయ్యింది.