పాప కత్తిలా ఉంది...!

Posted: 06/27/2016 10:21 AM IST

మోడ్రాస్ ఎంటరైటైన్మెంట్ సంస్ధ అధినేత నందగోపాల్ నిర్మాతగా, గణేష్ వినాయగన్ దర్శకత్వంలో తమిళంలో తెరకెక్కుతున్న ప్రేమకథా చిత్రం 'వీరశివాజీ'. యాక్షన్ ని మిక్స్ చేసి ఈ సినిమాని తెరకెక్కిస్తున్నారు. ఈ సినిమాలో విక్రమ్ ప్రభు సరసన షామిలి హీరోయిన్ గా నటిస్తోంది. తెలుగులో హీరో సిద్దార్ధతో ఓయ్ అంటూ అందర్ని పలకరించిన ఈ బాల్యనటి బేబీ షామిలి ఇప్పుడు నునుపు తేలి కత్తిలా కనిపిస్తోంది.

ఈ సినిమాతో మళ్లీ వెండితెరపై తన అదృష్టాన్ని పరీక్షించుకోనుంది. తన బావ హీరో అజిత్ సలహాతో ఇటీవలే ఫారన్ లో యాక్టింగ్ కోర్స్ చేసిన ఈ అమ్మడు తన బాడీ షేప్స్ ని కూడ చక్కగా తయారుచేసుకుని వచ్చినట్లుంది. హీరోయిన్ కి ఎలాంటి లక్షణాలు కావాలో అన్నీ ఈసారి పోగేసుకుని వచ్చి మరీ చేస్తున్న సినిమా ఇది. ఈ సినిమా ప్రస్తుతం పాటల రికార్డింగ్ జరుపుకుంటోంది. ఈ సినిమాలో అమ్మడి డ్యాన్స్ చూసి అందరూ మంత్రముగ్ధులు అయిపోతున్నారట. ప్రముఖ దర్శకుడు మురుగదాస్ సైతం షాలిని అందాలను తెగ పొగిడేస్తున్నాడు. ఈ సినిమా టీజర్ కూడ చాలాబాగుంది అంటూ ఆయనే స్వయంగా ముందుకొచ్చి ఆన్ లైన్ లో విడుదల చేశాడు. దీంతో చిత్రయూనిట్ ఈ సినిమాపై భారీ ఆశలు పెట్టుకుంది. ఈ సినిమాని తెలుగులో డబ్బింగ్ చేసేందుకు కూడ ప్రముఖ నిర్మాణ సంస్ధలు పోటీ పడుతున్నాయి.

- మూర్తి