రవిబాబు ముద్దుల పందిపిల్ల...!

Posted: 06/27/2016 10:50 AM IST

'అల్లరి' 'అనసూయ‌' 'అవును' వంటి డిఫరెంట్ కామెడి, ల‌వ్‌, హారర్, సస్పెన్స్ థ్రిల్లర్ చిత్రాల‌ను ప‌రిమిత బ‌డ్జెట్‌లో తెర‌కెక్కించి డైరెక్టర్‌గా త‌న‌కంటూ ఓ ఇమేజ్‌ను క్రియేట్ చేసుకున్న ద‌ర్శకుడు ర‌విబాబు. ఇప్పుడు మ‌రి కాస్తా డిఫ‌రెంట్‌గా పందిపిల్లపై సినిమా తీస్తున్నాడు. ఈ సినిమా ప్రస్తుతం పోస్ట్ ప్రొడ‌క్షన్ కార్యక్రమాల‌ను జ‌రుపుకుంటుంది.

డైరెక్టర్ ర‌విబాబు మాట్లాడుతూ ``ఏడాదిన్నర క్రితం నాకు ఈ సినిమా ఆలోచ‌న వ‌చ్చింది. అందుకోసం మ‌న తెలుగు ఆడియన్స్ కు త‌గిన విధంగా కథను త‌యారుచేశాను. పందిపిల్ల ఎలా ప్రవ‌ర్తిస్తుంది ? అనే దానిపై స్టడీ కూడా చేశాను. యానీమెట్రిక్ సాఫ్ట్వేర్ ను ఉప‌యోగించాలంటే చాలా ఖ‌ర్చుతో కూడుకున్న ప‌నికావ‌డంతో సిలికాన్‌తో పందిపిల్ల మోడ‌ల్‌ను త‌యారుచేశాం. అయితే సినిమా చిత్రీక‌రించే స‌మ‌యంలో ఆ మోడ‌ల్ విరిగిపోయింది. దాంతో నిజ‌మైన పందిపిల్లతోనే సినిమా చిత్రీక‌ర‌ణ చేశాం అని తెలిపాడు రవిబాబు.

ఈ సినిమాని ఆద్యంతం కామెడీ గా తీసినట్లు ప్రేక్షకులకు మంచి కిక్ ఇస్తుందంటున్నాడు ఈ క్రియేటివ్ డైరెక్టర్.  

- మూర్తి