నటి విజయశాంతి ఇంట్లో చోరీ...

Posted: 06/18/2016 10:07 AM IST

సినీ నటి విజయశాంతి నివాసంలో చోరీ జరిగింది. డైమండ్ రింగ్, చెవిదుద్దులుతో పాటు బంగారు ఆభరణాలు అపహరణకు గురయ్యాయి. శుక్రవారం ఈ సంఘటన జరిగినట్లుగా తెలుస్తోంది. దీంతో విజయశాంతి సోదరుడు ప్రసాద్ శుక్రవారం సాయంత్రం స్వయంగా వచ్చి బంజారాహిల్స్ పోలీస్ స్టేషన్లో ఫిర్యాదు చేశారు. పోలీసులు కేసు నమోదు చేసుకుని దర్యాప్తు చేపట్టారు. కాగా ఇందుకు సంబంధించి పూర్తి వివరాలు ఇంకా తెలియాల్సి ఉంది.

విజయశాంతి సినిమాలకు దూరమై దాదాపు పదిహేను సంవత్సరాలు కావొస్తోంది. ప్రస్తుతం జూబ్లీహిల్స్ లో నివాసం ఉంటోంది. ఈమధ్య రాజకీయాలకు సైతం దూరంగా ఉంటోంది విజయశాంతి

- మూర్తి