కన్నడ సొగ్గాడిగా మారుతున్న ఉపేంద్ర

Posted: 05/26/2016 04:27 PM IST

నాగార్జున హీరోగా నటించిన ‘సొగ్గాడే చిన్నినాయనా’ చిత్రం తెలుగులో ఘనవిజయం సాధించిన విషయం తెలిసిందే. తండ్రి కొడుకులుగా నాగార్జున ద్విపాత్రాభినయం చేసారు. నాగార్జునకు జోడిగా అందాల భామలు రమ్యకృష్ణ, లావణ్య త్రిపాఠీలు నటించారు. కళ్యాణ్ కృష్ణ దర్శకత్వంలో రూపొందిన ఈ సినిమా మంచి కలెక్షన్లను రాబట్టింది.

అయితే ఈ సినిమాను కన్నడం భాషలోకి రీమేక్ చేయబోతున్నారు. కన్నడంలో నాగార్జున పాత్రలో ఉపేంద్ర నటించడమే కాకుండా దర్శకత్వ బాధ్యతలు కూడా ఆయనే తీసుకోనున్నారు. ఇక రమ్యకృష్ణ పాత్రలో నటి ప్రేమ నటించనుంది. సూమారు పదిహేడేళ్ల తర్వాత మళ్లీ ఉపేంద్ర-ప్రేమ జంటగా కలిసి నటించనున్న సినిమా ఇదే.

ప్రస్తుతం కన్నడ భాషకు సంబంధించి స్ర్కిప్టులో కొన్ని మార్పులు చేర్పులు చేస్తున్నారు. ప్రీ ప్రొడక్షన్ కార్యక్రమాలు జరుగుతున్నాయి. ఈ ప్రాజెక్టు జులై మొదటి వారం నుంచి సెట్స్ పైకి వెళ్లనుందని సమాచారం. మరి కన్నడంలో ఎలాంటి విజయం సాధించనుందో చూడాలి.