‘అరణ్మనై2’లో సిద్ధు-త్రిషల రొమాన్స్ పూర్తి

Posted: 12/02/2015 12:28 PM IST

Trisha aranmanai 2 movie shooting completed

తమిళ ప్రేక్షకులను భయపెట్టి, మంచి విజయం సాధించిన ‘అరణ్మనై’ చిత్రానికి ప్రస్తుతం సీక్వెల్ గా ‘అరణ్మనై2’ చిత్రం తెరకెక్కుతున్న విషయం తెలిసిందే. ప్రముఖ దర్శకుడు సుందర్.సి. దర్శకత్వంలో తెరకెక్కుతున్న ఈ చిత్రంలో సుందర్, త్రిష, హన్సిక, సిద్ధార్థ, పూనమ్ బాజ్వా, సూరీ తదితరులు ప్రధాన పాత్రలలో నటిస్తున్నారు.

ఇటీవలే ఈ చిత్ర షూటింగ్ పూర్తయ్యింది. ప్రస్తుతం ఈ చిత్ర పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. ఇందులో త్రిష, హన్సికలు భయపెట్టనున్నారు. ఇప్పటికే విడుదలైన ఫస్ట్ లుక్ పోస్టర్లు, వీడియోలకు భారీ రెస్పాన్స్ వస్తోంది. తొలిసారిగా త్రిష ఈ హర్రర్ సినిమలో నటిస్తుంది. ఇందులో 103 అడుగుల అమ్మవారి విగ్రహాన్ని ఏర్పాటు చేసి, క్లైమాక్స్ సాంగ్ ను చిత్రీకరించారు. ఈ పాట సినిమాకు మేజర్ ప్లస్ పాయింట్ గా నిలవనుందని చిత్ర యూనిట్ భావిస్తున్నారు.

గతంలో వచ్చిన ‘అరణ్మనై’ చిత్రాన్ని తెలుగులో ‘చంద్రకళ’ పేరుతో డబ్బింగ్ చేసి, విడుదల చేసారు. ఇపుడు ఈ ‘అరణ్మనై2’ చిత్రాన్ని కూడా తమిళం, తెలుగు భాషలలో విడుదల చేయడానికి చిత్ర యూనిట్ సన్నాహాలు చేస్తున్నారు. ఈ సినిమాను వచ్చే ఏడాది జనవరి రెండవ వారంలో విడుదల చేయడానికి ఏర్పాట్లు చేస్తున్నారు. ఈనెల చివర్లో ఆడియో విడుదల చేయనున్నారు.