తెలుగు ‘విక్కీడోనర్’ గా సుమంత్

Posted: 12/02/2015 10:58 AM IST

అక్కినేని హీరో సుమంత్ గతకొద్ది కాలంగా సినిమాలకు దూరంగా వుంటున్న విషయం తెలిసిందే. ‘సత్యం’ సినిమా తర్వాత సుమంత్ నటించిన ఏ ఒక్క సినిమా కూడా విజయం సాధించలేదు. ‘ఏమో గుర్రం ఎగరావచ్చు’ తర్వాత సుమంత్ మళ్లీ తన కొత్త సినిమాను మొదలెట్టలేదు. దీంతో సుమంత్ సినిమాలకు దూరమవుతున్నాడని గతంలో వార్తలొచ్చాయి.

కానీ ఆ వార్తలకు ఫుల్ స్టాప్ పెట్టేట్లుగా సుమంత్ తాజాగా ఓ సినిమాతో ప్రేక్షకులను అలరించడానికి సిద్ధమవుతున్నాడు. బాలీవుడ్ లో మంచి విజయం సాధించి, విమర్శకుల ప్రశంసలు అందుకున్న చిత్రం ‘విక్కీ డోనర్’. ఈ సినిమాను తెలుగులో సుమంత్ హీరోగా రీమేక్ చేయనున్నారు.

అన్నపూర్ణ స్టూడియోస్ బ్యానర్ పై రూపొందనున్న ఈ సినిమాకు మల్లిక్ రామ్ అనే నూతన దర్శకుడు దర్శకత్వం వహించనున్నాడు. ఈ ప్రాజెక్ట్ డిసెంబర్ నెల రెండవ వారంలో సెట్స్ పైకి వెళ్లనుంది. ఈ సినిమాకు సంబంధించిన అన్ని వివరాలను చిత్ర యూనిట్ త్వరలోనే అధికారికంగా ప్రకటించనున్నారు.