రాజకీయాలంటే కొవ్వు కరిగించినంత ఈజీకాదు పాప

Posted: 09/03/2015 01:16 PM IST

ఇప్పుడున్న హీరోయిన్లలో చాలా సెక్సీగా, ముద్దుగా, బొద్దుగా ఎవరున్నారు అని ఆలోచిస్తే.. అందరినోట కూడా ‘నమిత’ అనే పేరు వినిపిస్తుంది. సౌత్ ఇండస్ట్రీలో నమిత బొద్దు హాట్ హీరోయిన్ గా పిచ్చెక్కించేస్తోంది. ఈ అమ్మడు బొద్దుగా వున్నప్పుడు తెగ సినిమా ఆఫర్లు వచ్చేవి. ఆ ఆఫర్లన్నీ కూడా హాట్ హాట్ పాత్రలకు సంబంధించినవే కావడం విశేషం.

కానీ ఈ అమ్మడు కాస్త స్లిమ్ గా మారిపోయి అందరికి షాకిస్తుంది. అయితే ఈ అమ్మడికి స్లిమ్ గా మారినంత తేలికగా ఎన్నికల్లో గెలిచి అసెంబ్లీకి వస్తానని ధీమాను వ్యక్తం చేస్తుంది. గతకొద్ది కాలంగా నమిత రాజకీయాల్లోకి రాబోతుందంటూ వార్తలొస్తున్నాయి. అయితే తాజాగా తన రాజకీయ అరంగేట్రం గురించి నమిత ఓ క్లారిటీ ఇచ్చేసింది.

నమిత మాట్లాడుతూ.. త్వరలోనే రాజకీయాల్లోకి వస్తాను. నాకు ఇంత గుర్తింపును ఇచ్చింది తమిళ ప్రేక్షకులే. అందుకే వారికి తనవంతు సేవను చేయడానికి రాజకీయాల్లోకి వస్తాను. పలు రాజకీయ పార్టీల నుంచి నాకు ఆహ్వానం అందింది. అయితే వారి వివరాలు ఇప్పుడే చెప్పను. ఇపుడు స్లిమ్ గా మారి మీకందరికి ఎలా షాకిచ్చానో.. వచ్చే ఏడాది తమిళనాడు అసెంబ్లీకి జరిగే ఎన్నికల్లో గెలిచి అందరికి షాకివ్వబోతున్నాను అని తెలిపింది.

అంతే కాకుండా తాను బరువు తగ్గడం అసాధ్యమని ఎంతమంది చెప్పినా కూడా.. బరువు తగ్గి ఇలా స్లిమ్ గా మారి సుసాధ్యం చేసానో... అలాగే రాజకీయాల్లో కూడా అనుకున్నది సాధించి తీరుతాను అంటూ నమిత స్పష్టం చేసింది. కానీ ఈ అమ్మడి మాటలకు కోలీవుడ్ జనాలు భారీగానే కామెంట్లు చేస్తున్నారు.

బరువు తగ్గినంత ఈజీగా రాజకీయాల్లో గెలవలేవు అంటూ నమితపై కామెంట్లు వినిపిస్తున్నాయి. మరి ఈ అమ్మడు ఇంత నమ్మకంతో ఎలా చెబుతోంది? అసలు ఈ అమ్మడి వెనుక ఏ పార్టీ వుండబోతుంది? అనే సందేహాలు కోలీవుడ్ జనాలకు కలుగుతున్నాయి. మరి నమిత రాజకీయ అరంగేట్రం ఎలా వుండబోతుంతో భవిష్యత్తులో తెలియనుంది.