‘సర్దార్ గబ్బర్ సింగ్’తో రాయ్ లక్ష్మీ గరం గరం చిందులు

Posted: 09/03/2015 10:39 AM IST

Raai lakshmi special song with pawan kalyan in sardaar gabbar singh

ఒకప్పుడు తెలుగులో వరుస చిత్రాలతో హీరోయిన్ గా బిజీగా వుండే లక్ష్మీరాయ్... ఈ మధ్య తెలుగులో స్పెషల్ సాంగ్ లకే పరిమితం అయ్యింది. తెలుగులో ఈ అమ్మడు ఇటీవలే ‘బలుపు’ సినిమాలో ‘లక్కీ లక్కీ రాయ్..’ అంటూ ఓ స్పెషల్ హాట్ సాంగ్ లో చిందులేసి పిచ్చెక్కించేసింది. ఆ తర్వాత రాయ్ లక్ష్మీగా పేరు మార్చుకున్న ఈ అమ్మడు ప్రస్తుతం తమిళంలో హీరోయిన్ గా వరుస చిత్రాలతో బిజీగా వుంది.

అయితే తాజాగా ఈ అమ్మడికి పవర్ స్టార్ పవన్ కళ్యాణ్ తో కలిసి ఓ మాస్ సాంగ్ లో చిందులేసే అవకాశం వచ్చింది. ప్రస్తుతం పవన్ కళ్యాణ్ నటిస్తున్న తాజా చిత్రం ‘సర్దార్ గబ్బర్ సింగ్’. ఈ సినిమాలో రాయ్ లక్ష్మీ పవన్ కళ్యాణ్ తో ఆడిపాడనుంది. ఈ విషయాన్ని స్వయంగా నిన్న పవన్ కళ్యాణ్ పుట్టినరోజు సంధర్భంగా చెప్పుకొచ్చింది.

Video Courtesy : SriBalajiMovies

Happy bday to the 1 n only truly hero in reel n real life ‎PawanKalyan‬ wish u endless happiness forever
Here is the news to all PawanKalyan fans I m doing an interesting important role in ‪‎SardarGabbarSingh‬ excited! u will also see me shaking legs with him for the first time looking forwards treat for my ‎Telugufans‬ ‎excited‬

పవన్ కళ్యాణ్ అభిమానులకు ఓ వార్త... ‘సర్దార్ గబ్బర్ సింగ్’ సినిమాలో నేను ఓ ముఖ్య పాత్రలో నటించనున్నాను. అలాగే పవన్ తో కలిసి తొలిసారిగా ఆడిపాడనున్నాను అంటూ చెప్పుకొచ్చింది. త్వరలోనే ఈ చిత్ర షూటింగ్ లో రాయ్ లక్ష్మీ పాల్గొననుంది. త్వరలోనే అన్ని వివరాలు అధికారికంగా ప్రకటించనున్నారు.

‘పవర్’ ఫేం బాబీ దర్శకత్వంలో తెరకెక్కుతున్న ఈ చిత్రాన్ని నార్తన్ స్టార్ ఎంటర్ టైన్మెంట్స్ బ్యానర్ పై ప్రముఖ నిర్మాత శరత్ మరార్ నిర్మిస్తున్నారు. ఇప్పటికే విడుదలైన ఈ చిత్ర ఫస్ట్ లుక్ పోస్టర్, టీజర్లకు భారీ రెస్పాన్స్ వచ్చింది. దేవిశ్రీప్రసాద్ సంగీతం అందిస్తున్నాడు. హై వోల్టేజ్ యాక్షన్ ఎంటర్ టైనర్ గా రూపొందుతున్న ఈ చిత్రాన్ని వచ్చే సంవత్సరం సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు.