సాహసం ఫస్ట్ లుక్ మోషన్ పోస్టర్ విడుదల

Posted: 08/06/2015 10:40 AM IST

తెలుగులో ప్రముఖ దర్శకుడు త్రివిక్రమ్ శ్రీనివాస్ దర్శకత్వంలో స్టైలిష్ స్టార్ అల్లు అర్జున్, ఇలియానా హీరోహీరోయిన్లుగా తెరకెక్కిన హిట్ చిత్రం ‘జులాయి’. ఈ చిత్రానికి దేవిశ్రీప్రసాద్ సంగీతం అందించాడు. అయితే ప్రస్తుతం ఈ చిత్రాన్ని తమిళంలో రీమేక్ చేస్తున్నారు.

తమిళ నటుడు ప్రశాంత్ హీరోగా తెరకెక్కుతున్న ఈ రీమేక్ చిత్రానికి ‘సాహసం’ అనే టైటిల్ ఖరారు చేసారు. ప్రశాంత్ తండ్రి, ప్రముఖ నటుడు త్యాగరాజన్ ఈ చిత్రాన్ని నిర్మిస్తున్నారు. ప్రస్తుతం ఈ చిత్ర షూటింగ్ చివరి దశకు చేరుకుంది. పోస్ట్ ప్రొడక్షన్ కార్యక్రమాలు కూడా శరవేగంగా జరుగుతున్నాయి.

అయితే తాజాగా ఈ చిత్ర ఫస్ట్ లుక్ మోషన్ పోస్టర్ ను విడుదల చేసారు. ఎస్.ఎస్.థమన్ సంగీతం అందిస్తున్న ఈ చిత్ర ఆడియోను త్వరలోనే విడుదల చేయనున్నారు. తమిళంలోకి చిన్న చిన్న మార్పులు, చేర్పులు చేసి రీమేక్ చేస్తున్నారు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.