బాక్సీఫీస్ రికార్డులు బద్దలుకోడుతున్న బాహుబలి.. వెంటవస్తున్న భజరంగీ బాయిజాన్..

Posted: 07/26/2015 03:09 PM IST

Baahubali breaking box office records followed by bajrangi bhaijaan

భాక్సాఫీసు వద్ద మన జక్కన రాజమౌళి రూపోందించిన చిత్రం బాహుబలి పాత రికార్డులను తిరగరాసి ముందుకు సాగుతుండగా, బాలీవుడ్ కండల వీరుడు సల్మాన్ ఖాన్ నటించిన భజరంగీ భాయిజాన్ చిత్రం కలెక్షన్ల వేటలో బాహుబలి వెంట తోడుగా వెళ్తుంది. తెలుగు, తమిళ భాషల్లో రూపొంది హిందీ, మళయాళ భాషల్లోనూ అనువాదమై ప్రపంచవ్యాప్తంగా విడుదలయిన 'బాహుబలి' చిత్రం రెండు వారాలకు 385 కోట్ల రూపాయల గ్రాస్ ను వసూలు చేసింది... త్వరలోనే ఈ చిత్రం 400 కోట్ల క్లబ్ లో చేరబోతోందని 'ఇంటర్నేషనల్ బిజినెస్ టైమ్స్' లెక్కలు చెబుతోంది...మొదటివారమే 'బాహుబలి' చిత్రం 4580 స్క్రీన్స్ ద్వారా 255 కోట్లు పోగేసింది... ఇది నిజంగా ఓ పెద్ద రికార్డ్. హాలీవుడ్ స్థాయిలో రూపోంది.. రాజముద్ర పడిన చిత్రానికి ఇంతలా కలెక్షన్లను రాబట్టడం బాక్సాఫీసు చరిత్రలోనే ప్రప్రధమం.

'బాహుబలి' రిలీజయిన వారానికి 'బజ్రంగీ భాయిజాన్' చిత్రం 5000 స్క్రీన్స్ లో విడుదలయింది... ఈ సినిమా మొదటి వారం 184 కోట్ల 62 లక్షలు పోగేసి 'పీకే', 'హ్యాపీ న్యూ ఇయర్' చిత్రాల రికార్డులను బీట్ చేసింది... అయితే 'బాహుబలి' చిత్రం వసూలు చేసిన కలెక్షన్లు మాత్రం అధిగమించలేకపోయింది. అయితే బాహుబలి చిత్ర కలెక్షన్ల రికార్డులను వసూలు చేయడంతో.. దానిని బాలీవుడ్ మేధావులు జీర్ణించుకోలేక పోతున్నారు. బాహుబలి రికార్డులన్నీ ఒట్టిమాటగా కోట్టిపారేస్తూ.. ఈ లెక్షన్ల రికార్డులు వట్టివేనంటూ కామెంట్లు చేసి తమ అక్రోశాన్ని వెళ్లగక్కుతున్నారు. బాలీవుడ్ లో దక్షిణాది ఆధిపత్యాన్ని సహించలేని వారు అనేక మందే వున్నారు. బాహుబలి రికార్డులను పక్కనబెట్టి, చిత్రం రూపొందిన సినిమారాజును ప్రశంసించడానికి బదులు ఇలా కామెంట్లు చేసి తమ అధిపత్యాన్ని చాటుకునే ప్రయత్నం చేస్తున్నారు.

జి. మనోహర్