‘థల’ అజిత్ ఇంట.. పండంటి బిడ్డ పంట!

Posted: 03/02/2015 01:33 PM IST

తమిళ స్టార్ హీరో అజిత్ ఇంట కుట్టి థల (వారసుడు) వచ్చేశాడు. సోమవారం (02-03-2015) ఉదయం 4.30 నిముషాలకు అజిత్ భార్య శాలిని ఓ బేబీ బాయ్ కి జన్మనిచ్చింది. బాబు పుట్టిన అనంతరం త్లలి, బాబు ఇద్దరూ క్షేమంగానే వున్నారని వారికి వైద్యసదుపాయం అందించిన వైద్యులు స్పష్టం చేశారు.

అజిత్–శాలిని దంపతులకు మొదటి సంతానంగా అమ్మాయి పుట్టింది. ఆ అమ్మాయి పేరు అనౌషిక. ఇప్పుడు ఆమె వయసు 8 సంవత్సరాలు. తాజాగా పుట్టిన కుట్టి థలా ఫోటోలు సోషల్ మీడియాలో హల్ చల్ చేస్తున్నాయి. ఆ ఫోటోలను వీక్షించిన ఆయన అభిమానులతోపాటు ప్రముఖులు అందరూ అజిత్ దంపతులకు శుభాకాంక్షలు తెలిపారు.

ఇటీవలే అజిత్ నటించిన ‘ఎన్నై అరిన్దల్’ సినిమా విడుదలై తమిళనాడులో సూపర్ హిట్ అయ్యింది. ఇదే హ్యాపీ మూడ్’లో అజిత్ ఇంటికి ఓ బేబీ బాయ్ రావడంతో ఆ హీరో కుటుంబ సభ్యులు సంబరాలు చేసుకుంటున్నారు.

AS