హాలీవుడ్ రేంజ్ లో ‘మాస్’ ఫస్ట్ లుక్

Posted: 10/22/2014 12:18 PM IST

కోలివుడ్ హ్యాండ్ సమ్ హీరో సూర్య తాజా సినిమా ‘మాస్’ ఫస్ట్ లుక్ విడుదల అయింది. దీపావళి కానుకగా ప్రేక్షకుల కోసం మంగళవారం రోజు ఈ లుక్ ను విడుదల చేశారు. కధకు తగ్గట్లుగానే ఫస్ట్ లుక్ లో సూర్య ఆవేశంగా కన్పిస్తున్నాడు. ఈ ఫొటో చూసినవారంతా హాలీవుడ్ రేంజ్ లో ఉంది అని అంటున్నారు. హారర్ కధ, కామెడి కధాంశంతో రూపొందుతున్న ఈ సినిమా లుక్ చూసినవారంతా సూర్య సూపర్బ్ అంటున్నారు. సోషల్ మీడియాలో ఈ ఫొటోకు పాజిటివ్ రెస్పాన్స్ వస్తుంది.

‘మాస్’ సినిమాలోనయనతార, అమీజాక్సన్ హీరోయిన్లుగా నటిస్తున్నారు. వెంకట్ ప్రభు డైరెక్షన్ లో రూపొందుతున్న ఈ సినిమా ప్రస్తుతం కోలీవుడ్ లో హాట్ టాపిక్ గా మారింది. ఫస్ట్ లుక్ ఈ స్థాయిలో ఉంటే ఇక సినిమా ఎలా ఉంటుందో అని అంతా చర్చించుకుంటున్నారు. వచ్చే ఏడాది వేసవి కానుకగా ఈ సినిమా ప్రేక్షకుల ముందుకు రానుంది. తమిళంతో పాటు తెలుగులో కూడా సూర్య ‘మాస్’ సినిమా విడుదల కానుంది.

స్టూడియో గ్రీన్ బ్యానర్స్ పై వస్తున్న ఈ సినిమాను కె.ఈ. జ్ఞానవేల్ నిర్మిస్తున్నారు. యువన్ శంకర్ రాజా సంగీతం అందిస్తున్నాడు. ఈ సినిమా కాకుండా త్వరలోనే సింగం డైరెక్టర్ తో మరో సినిమా తీసేందుకు సూర్య సిద్ధం అవుతున్నాడు. 7సెన్స్, యముడు, సింగం వంటి సినిమాలతో కోలివుడ్ ప్రేక్షకులతో పాటు, టాలీవుడ్ లో కూడా సూర్య అభిమానులను సొంతం చేసుకున్నారు.

కార్తిక్