యాక్షన్ లో కామెడీ లౌక్యం ట్రైలర్ అదుర్స్

Posted: 08/21/2014 11:14 AM IST

గోపిచంద్, రకూల్ ప్రీత్ సింగ్ జంటగా నటిస్తున్న తాజా చిత్రం ‘లౌక్యం’. ‘లక్ష్యం’ సినిమా తర్వాత శ్రీవాస్ దర్శకత్వంలో మళ్లీ గోపిచంద్ హీరోగా నటిస్తున్న ఈ చిత్రంపై భారీ అంచనాలు నెలకొన్నాయి. భవ్య క్రియేషన్స్ బ్యానర్లో నిర్మాత ఆనంద్ ప్రసాద్ నిర్మిస్తున్న ఈ చిత్రానికి అనూప్ సంగీతం అందిస్తున్నాడు. ఇప్పటికే ఈ చిత్ర ఫస్ట్ లుక్ పోస్టర్ ను విడుదల చేశారు. అయితే తాజాగా ఈ చిత్ర ట్రైలర్ ను విడుదల చేశారు.

మాస్, యాక్షన్ ఎంటర్ టైనర్ గా తెరకెక్కుతున్న ఈ చిత్రంలో ఎక్కువగా యాక్షన్, ఎంటర్ టైన్మెంట్ వుండే విధంగా దర్శకుడు జాగ్రత్తలు తీసుకున్నట్లుగా కనిపిస్తోంది. అలాగే ఇందులో గోపిచంద్ ‘మనం’ సినిమా పోస్టర్ ను కాపీ కొట్టేసాడు. నాగార్జున, నాగచైతన్య, అక్కినేని స్థానాలలోని ‘మనం’ సినిమా పోస్టర్ ను కాపీ కొట్టి, ఆ ముగ్గురు స్థానాలలో గోపిచంద్ ఫోటోలను మార్ఫింగ్ చేసి చూపించారు.

ఇటీవలే గోపిచంద్, హాట్ బ్యూటీ హంసా నందినిలపై ఓ హాట్ ఐటెం సాంగ్ తెరకెక్కించారు. ప్రముఖ కొరియోగ్రాఫర్ శంకర్ నేతృత్వంలో ఈ పాటను చిత్రీకరించారు. ఇప్పటికే మూడు పాటల చిత్రీకరణ పూర్తయ్యింది. మరో మూడు పాటలను విదేశాల్లో చిత్రీకరించనున్నారు. ఈ చిత్రానికి కథ, మాటలు శ్రీధర్ సీపాన అందించారు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు. మీ అందరి కోసం ఈ చిత్ర ట్రైలర్.