Posted: 02/12/2013 11:36 AM IST

       ప్రముఖ దర్శకుడు గుణశేఖర్ సొంత సంస్థ.. గుణా టీమ్‌ వర్క్స్‌ పతాకంపై ఇంటర్నేషనల్‌ స్టాండర్డ్స్‌ లో అత్యంత ప్రతిష్టాత్మకంగా రూపొందిస్తున్న భారతదేశపు తొలి హిస్టారికల్‌ స్టీరియోస్కోపిక్‌ 3డి చిత్రం 'రుద్రమదేవి'. అగ్రనటి అనుష్క 'రుద్రమ దేవి'గా నటిస్తున్న ఈ చిత్రంలో రుద్రమదేవి కథా నాయకుడుగా రానా నటిస్తున్నారు. ఈ వివరాలను దర్శకనిర్మాత అయిన గుణశేఖర్‌ వెల్లడించారు. ‘కాకతీయుల చరిత్రలో రుద్రమదేవి జీవితంలో కథానాయకుడైన, నిడవర్ద్యపురం (ఇప్పటి నిడదవోలు) యువరాజైన చాళుక్య వీరభద్రుడి పాత్ర ఎంతో ప్రాముఖ్యమైనది. ఈ పాత్రని 'కృష్ణం వందే జగద్గురుమ్‌' చిత్రంతో నవరస కథానాయకుడిగా ప్రేక్షకుల మెప్పు పొందిన రానా పోషిస్తున్నారు’. అని తెలిపారు.
       అత్యంత ప్రతిష్టాత్మకంగా రూపొందిస్తున్న ఈ చిత్రానికి సంగీతం: మేస్ట్రో ఇళయరాజా, ఆర్ట్‌: పద్మశ్రీ తోట తరణి, ఫోటోగ్రఫీ: అజరు విన్సెంట్‌, ఎడిటింగ్‌: శ్రీకర్‌ ప్రసాద్‌, విఎఫ్‌ఎక్స్‌ సూపర్‌వైజర్‌: కమల్‌ కణ్ణన్‌ (ప్రసాద్‌ ఇఎఫ్‌ఎక్స్‌), కాస్ట్యూమ్‌ డిజైనర్‌: నీతా లుల్లా(జోధా అక్బర్‌ ఫేం), నిర్మాత: గుణశేఖర్‌, కథ-స్క్రీన్‌ప్లే-దర్శకత్వం: గుణశేఖర్‌.

...avnk