Posted: 02/09/2013 03:14 PM IST

మంచి స్ర్కిప్టు రైటర్ గా పేరుతెచ్చుకున్న కొరటాల శివ మిచ్చి సినిమాతో దర్శకుడిగా మారిన విషయం తెలిసిందే. ఈయన దర్శకత్వం వహించిన ‘ మిర్చి ’ సినమా విడుదల అయి, మంచి హిట్ టాక్ సొంతం చేసుకోవడంతో వెంటనే ఇంకో చిత్రానికి సంబంధించిన ప్రకటన వెలువడింది. ఇతని దర్శకత్వంలో గబ్బర్‌ సింగ్ నిర్మాత బండ్ల గణేష్‌తో కొరటాల శివ తర్వాతి చిత్రం చేయబోతున్నారు. ఈ మేరకు కథ కూడా రెడీ అయినట్లు స్పష్టం అవుతోంది. ఈ విషయమై బండ్ల గణేష్ మాట్లాడుతూ... ‘ఒక ప్రముఖ కథానాయకుడితో కొరటాల శివ దర్శకత్వంలో మా బేనర్లో ఈ భారీ చిత్రాన్ని నిర్మించబోతున్నాం. త్వరలోనే ఈచిత్రానికి సంబంధించిన పూర్తి వివరాలు తెలియజేస్తామని తెలిపారు. ఈ చిత్రానికి బండ్ల శివబాబు సమర్పకులుగా వ్యవహరించనున్నారు. త్వరలో దీనికి సంబంధించిన పూర్తి వివరాలు వెల్లడికానున్నాయి. ఇక ప్రస్తుతం బండ్ల గణేష్ జూనియర్ ఎన్టీఆర్ , అల్లు అర్జున్ సినిమాలను నిర్మించే పనిలో బిజీగా ఉన్నారు. మహేష్ హీరోగా నిర్మించే టపోరి సినిమాతో పాటు, కొరటాల శివ సినిమా కూడా ఉంటుందని అంటున్నారు.